Mana’omia e Filipo se tane vai

By Misiona Simo 22 July 2017, 12:00AM

O le tamā i a Filipo Egelani ua 57 le matua o le soifua ae o lo’o maua pea le malosi e galue ai i lana fa’atoaga i Faito’o Uta.

O le fa’atalatalanoaga a Filipo ma le Fofoga o Samoa sa ia ta’ua ai le mana’omiaga tele o le suāvai i uta i le nofoaga o lo’o i ai lana fa’atoaga.

Sa ta’ua e lea tamā o ia ma lona aiga e nonofo i tai i le a’ai o le nu’u ae peita’i o lana fa’atoaga o lo’o i uta ma e faigata tele i a te ia ona fa’agasolo ana feau masani ona o le leai o se suāvai.

“O le taimi nei e leai se vai o lo’o ou fa’aaogaina o le tulaga lea e i ai o atigi pusaisa lea e fa’atali ai au vai.,” o lana saunoaga lea i le Fofoga o Samoa.

“E i ai polokalame a le nu’u o lo’o faia i le taimi nei e maua ai tane vai a’o le tulaga o lo’o tupu mai ai fai mai se’iloga e nofomau i uta nei le tagata ma lona aiga fa’atoa maua lea o ni tane vai.

“Ae o a’u o lo’o matou te nonofo tai le a’ai i le matou fale a’o uta inei o lo’o o’u galue ai ma ou moe ai lava.

“Ua leva ona ou fia nofomau i uta nei ae le mafai ona o le leai o se vai ma e le o’o mai fo’i i uta nei le vai a le malo.

“O le tele lava o tagata o lo’o nonofo i uta nei e lolotu mamona ma o le tele foi la o tane vai a aiga i uta nei o lo’o maua mai i le ekalesia mamona.

“E pei ona tatou iloa o le suavai o le olataga o le tagata ma e manaomia lava le suavai i i aso uma aemaise lava i le fai fa’atoaga.

“I a te au lava ia e manaomia lava se vai i uta nei a le o’o mai foi se vai a le malo ae o lo’o i ai se tane vai e mapu i ai ma e le toe tigaina ai e lau vai ma ii tai i le aai.

“Ona o aiga ia e uta iinei a leai ni vai ona o laia totogi loli e tiliva mai ai latou vai i uta nei ia o tupe alu foi na mea pe afai ae totogi loli ao lenei e ala ona omai e fai le faatoaga ona o le fia maua o se tupe aua le tausiga o aiga ma le fanau ao lea laa toe alu i le totogiina o loli e lau mai ai vai.

“O au ia ua ou la vā lava la’u mai i tai le aai a’u vai e fa’aaoga i uta nei o nisi fo’i taimi e laki lava o le timu lea e pei e maua ai le tele o suavai.”

Ae e ui i le faigata ae o le saunoaga a le tamā o le fa’atoaga ma lana fa’atoaga nonu o le alagatupe lea mo ia ma lona aiga aemaise lava si ana fanau i le aoga.

“O le alagatupe a si ou aiga e maua atu i lau faatoaga faapea ma lau faatoaga nonu e faatau lava i le CCK le nonu ma le fale nonu i vaivase ma mea uma lava.

“O loo fesoasoani nei mea uma i lau fanau ma o lau faatoaga nonu e maua lau 280 i le vaiaso. 

“O lea o loo lelei le alagatupe lelei le eletise ae pei lava o le vai a lea e mafatia ai au nei i uta ne ii le faatoaga.”

By Misiona Simo 22 July 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>