Mana’omia e Senetenari se suavai
O le faatalatalanoaga a Senetenari ma le Fofoga o Samoa sa ia taua ai lona manaomia o se suavai i lona lava ia maota.
E 36 le matua o lona soifua ma e sau mai Fasitoo ma Sapapalii Savaii.
Sa ia faapea mai a leai se suavai, o le leai foi na o se ola o se tagata.
“O au ia ou te le popole tele pea leai se meaai,” o lana tala lea ile Fofoga o Samoa.
“Aua foi e pei a o le vai lea e tele ona faalagolago ai le tagata ina ia ola.
“O au ia a lava le vai aua se suati, ua lava ma totoe lena, pau a le mea e fiafia ai lae e maua le suavai.”
E leo se olaga faigofie le sueina o se suavai mo Senetenari.
“Ua luasefulu nei tausaga talu ona ou nofo iinei e leai se suavai, e tele a la na ou alu e aumai le suavai mai tai le aai.
“O le taimi nei, o lau kaloge lae sefe ai vai mai le timu ae o le tele a o taimi ou te sue vai mai tai ma o se galuega a na o aso uma.
“E taua a le vai aua o le vai ole ola lena o le tagata ma ua tatou iloa lelei lava.
“E manaomia foi e le tino ia le vai i taimi uma o le aso aemaise lava o au, ou te alu ile maumaga i taeao uma ma afiafi uma aua se meaai, o le ala na ou te manaomia ai le suavai.
“Soo se tagata lava na te manaomia le vai.
“O lau maumaga a le alagatupe lea e iai, e faatau atu popo aemaise foi aufai ae e leai la se vai, e faafefea la ona atia’e le eleele?
A e fia fesoasoani ia Senetenari Faalelei, faamolemole faafesootai ifo o ia ile numera 7729483.