Mai Timoa –ua sau Leste i Samoa mo lona faauuga

By Vatapuia Maiava 02 April 2016, 12:00AM

E mamao le ala na sau ai Santino Barros ina ia maua se tusi pasi tau aoaoga. 

O lea alii mai le Motu o Timor o Leste sa filo i le 200 selau o tamaitai faau’u ia sa faamanatuina le suamalie o le tulaga faamanuiaina i le Iunivesite Aoao o Samoa ananafi (silasila i le tala i itulau 4 ma le 5). Na faau’u Mr. Barrot ma se Post Graduate Diploma i Suesuega Tau Atiina A’e. 

O Timoa Leste, lea foi e faaigoa o East Timoa, e ta’oto i le Vasa o Asia i Saute lea e va ai Ausetalia ma Indonesia. Mo Mr. Brros, o ananafi o se taimi lea o le mitamita. 

“O le taualumaga lea na ta’ita’ina ai o ia ina ia ‘ausia lea tulaga-o se tauiviga lea e matua tele,” o lana ta’utinoga lea i le faagasologa o se talanoaga ma le Weekend Observer. “E le gata ina ua ‘ou i totonu o se atunuu e mamao mai lo’u aiga ae o le faigata o le gagana o se matua lu’itau lea mo a’u. “Sa ‘ou tauivi ma le gagana Peretania ma fesoota’i ma tagata Samoa ia i nisi taimi e le atoatoa foi le latou gagana Peretania. 

O se mea lea e sili ona taigata mo a’u.” Ae mo lona lototele, ua manumalo ai i mea faigata ma sa matua fiafia ananafi. Ae peitai- ua na o se amata lenei mo se alii o loo pupula toto’a i se tusi pasi maualuga e tutusa ma se Master.

“Ina ua aumai a’u e le vaalele i Samoa ia Fepuari o le tausaga talu ai, sa ‘ou folafola ia te a’u e faapea o le a ‘ou ‘ausia le La, ae peitai i le taimi nei-o lea ua ‘ou ‘ausia le masina,” o lana faaaliga lea. “O le la e faasino i se tikeri o le Masater ma o le masina o le suega lea pe a uma ona ‘ou faau’u-lea faatoa uma ona ‘ou faamae’aina. Ua ‘ou iloa ou te ‘ausia le La i se aso.”

E o’o mai i le taimi nei, fai mai a ia o lona taimi i Samoa nei o se mea lea o le a na manatua pea e faavavau. 

E ui lava ina e le’i mae’a lo’u faamoemoe ia maua se Masters, ae ou te fiafia pea ona o le tausaga e tasi i Samoa nei. Taimi uiga ese sa matou mafuta ai ma a’u uo Samoa, ma aoao le ala o le soifuaga iinei ma le faa-Samoa.” 

“O le soifuaga i lo’u atunuu e tutusa lava ma Samoa. I le faagasologa atoa o lo’u taimi iinei-sa ‘ou misia lo’u aiga, uo ma le atunuu ae na ‘ou iloa e tatau ona ‘ou faauma le mea na ‘ou amataina. 

“I le taimi nei-o Samoa o lo’u aiga lona lua lea ma o le ‘afa o lo’u fatu e faasino iinei, O le a ‘ou misia Samoa pe a ‘ou toe fo’i atu.”Na toe taua e Mr. Barros e faapea sa faatalitali o ia mo se taimi umi e faau’u ai ma ia avea ma sui aloa’ia o le N.U.S’s Alumini. “O le asō o se aso fiafia lea mo a’u, lo’u aiga ma lo’u atunuu.Sa faapea ou te toe fo’i ia Tesema o le tausaga talu ai-ae sa ‘ou mana’o ou te toe nofo teisi ma ia avea ma se tasi o le N.U.S. Alumni. Sa ‘ou faatalitali mo le fa masina ina ia faau’u ai aloa’ia.”

Ae peitai-e leai se mea e tasi o ia mea e mafai ona fai e aunoa ma le fesoasoani ma le lagolago a uo ma e alolofa ia te a’u. 

O le itu muamua, ou te fia tuuina atu le faafetai i le puna o le poto uma lava ma le malosi o le Atua lea, e leai so tatou aoga e aunoa ma Ia,” o lana faaaliga lea.

 “O lona lua-ou te fia faafetai atu ia te outou o a’u uo Samoa lea e tusa ai ma la’u vaai o lo’u aiga lea i le taimi nei. Sa latou lagolago ma fesoasoani mai ia te a’u i le tausaga atoa sa ‘ou nofo ai iinei ma ou te le iloa le mea e ao ona fai pea na le seanoa i latou.”Na faamuta le faamatalaga a Mr. Barros i se fe’au  i tamaiti a’oga uma o loo galulue ma le faamalosi.  “O nei aso- e taua tele le aoaoina i le lalolagi atoa aemaise ai lava mo atunuu tau ati a’e. 

O le mea lea- e taua tele ia i latou ia ua uma a’oga ona tuliloa le aoaoina tulaga maualuga.”

By Vatapuia Maiava 02 April 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>