O sina mea malῡlῡ mo le Manu ua vevela

10 June 2016, 12:00AM

Ina ua mavae se vaiaso aupito i vevele mo koleniga, na maua e le Manu Samoa se faaaloalo tau aisa malῡlῡ.O se talosaga faapitoa mo le Taxi Snow Cones a le Iuni Lakapi a Samoa na mafai ona faatino e le Taula Beverages lea na faia se asiasiga faat’eite’i  i le faaiuga o le faagasologa o koleniga i le “Aso Lua i le Kolisi o Sagato Iosefo.

O loo  umia e le kamupani fai fagu inu se lagolago faapitoa tau mea inu mo le taaloga faitauina i le faaiuga o le vaiaso i le va o le Manu Samoa ma Georgia ma o lo latou lagona o lenei faiga ua tatau ma talafeagai ai mo tama taalo.

“O le Taxi e fitu ona ituaiga eseese, ina ia faaalia ai la matou lagolago mo a tatou Tama o le Lanu Moana ma tuuina atu ia i latou ‘Keke Aisa o le Taxi Blue’, o le faaaliga lea a le Pule Sili o le Taula, o Enele Westerlund.

O le Kamupani Fai Fagu Inu o le Taula ua matua fiafia lava e lagolago le tatou Au o le Manu Samoa ma o lenei lagolago ua na ona faaalia ai e faapea i le avea ma Kamupani Fai Fagu Inu e 100% lona pulea i totonu o le atunuu-o lea o le a savalia ai le isi maila mo le lagolagoina o le ‘Au a lo tatou Atunuu.” E taaalo le Manu Samoa ma Georgia i le Apia Park i le Aso To’ana’i nei.

10 June 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>