Galulue ua le faigofie nei aso

By Ilia L. Likou 24 June 2017, 12:00AM

O le aso ananafi na maua ai le fa’atalatalanoaga a le Fofoga o Samoa ma Etisone Tuāfono o Matautu i Lefaga.

Na ia fa’ailoa o le taimi lenei o lo’o fa’apea ona i ai i vaitu’uaga o le aoga ma o se taimi lelei tele lea e fesoasoani ai mo aiga.

O le tausaga lona lua o Etisone i le Iunivesite o Samoa.

“Ia e pei ona tau mai, ia o lea o lo’o fa’atau atu le tele o fua o fa’ato’aga i luma nei, aemaise o tau popo.” O lana tala mai lea.

“E pei o lea le manaoga tele o lo’o i ai le taimi lenei, ia maua se avanoa e fa’apea ona fesoasoani ai i aiga aemaise o le tele o le mau feau fo’i o lo’o feagai ai tua nei.

‘O le isi itu , ia  e pei o lea lava le sulufa’iga o lo’o ua i ai nei, e fa’apea ona  fesoaoani i aiga, aua ua o tatou iloa uma lava le tulaga o lo’o ua i ai nei le taugata o le tau o le soifuaga.

Na ia fa’ailoa o le taimi lenei, o le a la lava le galuega ia mautinoa e fesoaoani ai i aiga.

“I a te a’u ua manaia fo’i lenei taimi ua maua ai le taimi e fa’apea ona fesoasoani ai nai matua ma aiga.

“O le tele o taimi o lo’o fa’aalu i meaaoga ma nisi o galuega ae i a te a’u ia, ia o le maua lava o le taimi ma fa’aaoga o le a lava se feau e aoga i ai , ia o lea lava e manatu e fa’atinoina.

 “O le uiga o la’u tala, ia o le olaga lava lea na ola mai ai, o le fa’amuamua  lava o aiga i so’o se taimi aua le lelei alu i luma o so’o se taumafaiga o lo’o fa’apena ona aga’i atu ai le olaga.

Na ia fa’ailoa o lo’o ia fa’atauina popo e 30 mo le $10.

“I a tea’u lava ia o se auala lelei tele lea e fesoasoani ai i aiga, o le uiga o la’u tala o le a se mea e mana’o e fai ae o le itu lelei o lo’o mafai ona maua se tupe mo le aiga.

‘O le tele lava la o le tupe e masani ona ou mauaina mai le fa’atauina o popo nei i le aso e tusa lea ma le $60 i le aso.

“I a te a’u ia e fa’afetai o lo’o maua se tupe faapea i se aso, aua e pei ona fa’ailoa muamua atu o nei aso ua matua’i faigata lava.

 “O le  tele lena o tupe o lo’o fa’apea ona maua mai lea aso i lea aso, ia o le fa’amuamua fo’i lena o lo’o ave i le taimi lenei ia mafai ona maua se tupe mo lea tulaga aua le aga’i i luma o aiga.

 “E pei o lea lava le itu o lo’o taumafai ai lava i le aoga, ina ia fa’apea ona fesoasoani ai aiga, ona ua le toe faigofie nei aso.

“Ae o le toaga lava e fa’alagolago i le Atua e manuia ai so’o se taumafaiga aua le tausiga o tatou aiga aemaise o le aga’i atu ai luma i le lumana’i.

By Ilia L. Likou 24 June 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>