Popolega ona o le si’itia o le Tau o Oloa
O nisi o oloa ua maitauina nei le si’itia ai lea e pei ona i ai le suka, masina, falaoa ma isi, e ui la ina fa’atumauina ai pea totogi ae o le ata manino lea ua ta’atia mai nei i le si’itia ai lea o le tau o le soifuaga.
O le si’itia ai o le tau o oloa na amata mai i le aso 1 Iulai lea o lo’o i ai lalo le ava malosi, suka ma le masima, o nisi o oloa e pei ona maitauina le si’itia atu ai i le 8 pasene e i ai saimini, keke, panikeke, pizza aemaise ai le si’itia ai lea i le 51 pasene o so’o se ituaiga vai taumafai lava.
O le tau o le pepa sikaleti lapo’a lea e 20 tapa’a e i ai totonu ua si’itia atu nei i le $11.50 mai lona tau masani sa i ai e $10.50.
E tusa ai ma fa’atamatalaga e pei ona tu’uina mai i tau o oloa mai le Matagaluega o Leipa o lea ua $1.20 i le pauna suka ae $2.30 i le pauna Vaemoa.
O lenei suiga na tu’uina mai ina i le fa’avae po o le Tulafono o le 2016 lea na pasiaina i le palemene i le vaiaso ua tuana’i.
Na fa’ailoa mai e le Minisita O Lafoga o lenei si’itaga o se faiga lelei lea mo le tau tu’u fa’aititia o le taumafa i mea’ai e le lelei mo le soifua maloloina aemaise ai lava le sikaleti.
“O lo’o ave lava le fa’amuamua i le soifua maloloina lelei o tagata o le atunu’u.” TialaveaSeigafolava Hunt.
“O le mafuaga foi lea o lafoga i luga o sikareti, ava malosi ma nisi o oloa e ono a’afia ai le soifua maloloina lelei o le atunu’u.
O nisi o sui auai na o latou talosagaina le malo mo nisi fetu’una’iga, e pei ona fesiligia ai e Tafua Maluelue Tafua le si’itaga lenei.
“O oloa laiti nei o lo’o fa’aaogaina so’o e o tatou tagata afai ae fa’ateleina o latou tau o le a ‘a’afia le atunu’u.’
Na lagolagoina e LopaooNatanieluMua mai le Vaisigano lea tulaga.
Sa ia saunia o lea fesuiaiga o le a mafatia ai fo’i lona Itumalo.
“O le si’itia ai o le tau o le suau’u o le a ‘a’afia ai ia femalagaiga i totonu o le atunu’u.
Sa fesiligia e Fonotoe pe le’o lafoga o lo’o aoina mo le Matagaluega o le Sofua Maloloina mo le fa’aauauina o fa’alauiloa mo le fa’aitiia o fa’amai pipisi , pe e mo le tu’uina atu o fa’alauiloa o le soifua maloloina pe e tatau lava ona i ai i totonu o lafoga a le Matagaluega o Lafoga.
Na fesiligia mai e le GatoloaifaanaAmatagaGidlow po o suiga nei e aofia keke o lo’o faia lava i Samoa nei ma koko Samoa o lo’o fa’atauina i tafaala.
Ae na fa’ailoa mai ele Minisita Lagolago a le Palemia, Peseta Vaifou Tevaga e fa’apea ole lelei ai o le fa’ataugata o oloa nei e e tu’u atu ai le filifiliga sa’oloto i tagata i le filifili tatau ai o le oloa e ao ona fa’ataunina.
Saunoa le sui mai Falealili Sasa’e, Fuimaono Samuelu Teo i lea tulaga.
Na ia fa’ailoa mai e tatau ona aua ne’i toe fa’atauina le masina Saina ona ua fa’amaonia e ono maua ai le tagata i le fa’ama’i o le kanesa.
Na ia fa’ailoa mai e ao ona toe fa’aitiitia le si’itaga 8pasene i le 2pasene.