Ia maua se vaitau fiafia saogalemu

By Vatapuia Maiava 25 December 2016, 12:00AM

O lea le naunauta’iga o le tamā i a Logoa’i Kamisi i le alo atu ai o le atunu’u i le fa’amanatuina o le Kirisimasi i le asō ma le Tausaga Fou i Samoa nei.

 “Ia o lea lava le fa’amoemoega o le taimi lenei o le saogalemu o nai o tatou tagata aemaise o le alo atu ai i le fa’amanatuina o aso fiafia o lenei vaitau.

“E maitauina lava le tau le asa o se tausaga ma ni fa’alavelave ia e fa’amoemoe lava i le galulue fa’atasi o nai o tatou tagata.

“E pei ona o tatou tau fai molimauina o le Kirisimasi lava ia o fa’amanatuina o le fanau mai o le Pepe O le Kirisimasi, o ia o Iesu Keriso mo i tatou le fanau agasala.

“Ia o lea fo’i le fanau fouina o lo’o tulituli loa pea i lenei vaitau e nai o tatou tagata, ia toe fanau le malosi o le tino ma le mafaufau.

“Ina ia maua ai se Samoa manuia i le lumana’i.

Na ia fa’afetai le  Atua i lona alofa ua mafai ai ona ta’ita’i ma le manuia le faigamalaga o lenei tausaga.

“Ia e i le Atua lava le viiga aua o  e  na’o ona o tatou fa’ata’atia ae o le Atua e to’atasi na ia fa’ataunu’uina ma le manuia.

“Malo lava i si o tatou atunu’u le nofo tatalo, ia lea fo’i ua o tatou i ai vaitau o timuga ma aso leaga , ia alofagia e Ia ia tau faimamao ni mala fa’alenatura.

“Ia saogalemu lo tatou atunu’u, i le tulaga e pei ona i ai nei aso.

“O le agaga maualuga ia manuia so’o se taumafaiga o lo’o ua tatou i ai le taimi lenei aemaise o le alo atu ai le tausaga fou.

“Ia tatou talosia le alo atu o Samoa i le Kirisimasi ma le Tausaga Fou.

By Vatapuia Maiava 25 December 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>