Tupe mai lapisi lafoa’i

By Ulimasao Fata 14 October 2017, 12:00AM

Na fa’ailoa e le tinā i a Maria Iosefa i le Fofoga o Samoa e fa’apea ‘e tatau lava i tagata ona silafia lelei e i ai le aoga o isi lapisi mo le tupe maua’

I le maua ai o le fa’atalatalanoaga ma Maria i se tasi o nofoaga o lo’o lafoa’i ai le lapisi i Tuana’i na ia fa’ailoa ai le tulaga taumafai ai pea ina ia mafai ona aoina o u’amea mamafa o lo’o lafoa’ia e mafai ona toe maua mai ai se tupe.

“Ia masalo ai o le tulaga lea o le taumafai ai pea o le  tele o nai o tatou tagata e aoina vaega nei aua e maua ai le tupe maua lelei.

“O lo’u iloa i ai e leai se mea e tatau ona fa’atinoina e aunoa ma se malamalama o nai o tatou tagata.

“I a  te a’u lava ia e pei e lelei le fa’atinoina o vaega nei ae ua silafia lelei e nai o tatou tagata, ma o se itu lelei tele lea.

“Aua o le a fa’aitiitia ai le lapisi, ma o se tali lea i i le tele o le le tagolima o tagata o lo’o feagai ma si o tatou atunu’u i lenei vaitau.

Na ia ta’ua o le galuega lava lea a i latou ma nisi o le fanau.

“Ia o le taumafailava ina ia aoina ma ia tula’i mai se tulaga lelei ia fa’aitiitia ai  le lapisi.

‘E pei e manaia ae fa’aaoga le taimi e omai ai isi polokalame i luga o le tv e pei o le tv bingo e fai mai ai nai polokalame nei e fa’alamalama ai vagea ne ii le tele o si o tatou atunu’u.

Na ia fa’ailoa le tulaga faigata ua i ai nei Samoa ona o le taugata o le tau o le soifuaga o lo’o ua i ai nei.

“E pei o lea lava le tulaga ua i ai nei si o tatou atunu’u ma o se itu e ao lava ona silasila i ai le malo.

“Ua le toe faigofie nei aso, o tupe mea uma, ae ua taugata lava le tele o le tau o oloa ma auaunaga ese’ese ua i ai nei.

By Ulimasao Fata 14 October 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>