Molia se taule’ale’a

By Ilia L Likou 23 March 2018, 12:00AM

O lo’o ua molia nei se taule’ale’a e 30 tausaga  i le so’otaga atu ai lea i le sailia ai  lea o se teneititi 15 tausaga o Solosolo i le vaiaso ua tuana’i atu nei.

E  tusa ai ma ripoti ua toe maua nei o ia, ae tusa ai ma fa’amatalaga i le tausailia ai o lenei teineititi o  lo’o ua ta’ua ai e fa’apea o le taimi mulimuli na va’aia ai lona tino o le taeao o le Aso Lulu, 14 Mati 2018 i le Kolisi o Anoama’a ma o lo’o ia ofuina foi le toniga a le aoga.

O lona igoa o Iunita Sautupe ma ua fautuina e le matagaluega so’o se tasi e na te  iloa se fa’amatalaga e uiga i a te ia, fa’amolemole fa’afeso’ota’i se ofisa o leoleo lata ane pe fa’afeso’ota’i le numera 22222 i se taimi vave.

O nisi o ripoti mai leoleo lava i lenei vaiaso e aofia ai; O le aso Sa 11 o Mati na ripotia mai ai e le falemai se alii o lo o taoto i le falemai ma ni ona manuaga tuga i lona tauau, o le ua, faapea ai ma ona fofoga. 

Na faia uluai suesuega a leoleo ma taofia ma molia mai ai se tamaitai 23 tausaga  i lona taumafai lea e faaoo le oti (attempted murder) i lenei taulealea ma o lo o taofia nei i lalo o le vaaiga a leoleo seia aulia le aso 26 o Mati e tulai ai o ia i luma o le faamasinoga. O lenei alii o lo o taofia pea i le falemai ona o le tuga o ona manuaga ma e 17 tausaga lona matua.

 O le aso lua 6 o Mati 2018 na faaulu mai se tagi a se tamaititi aoga o le Robert Louis Stevenson e faasaga i se faiaoga i lona faaoolima lea ia te ia. 

Na faia suesuega a leoleo ma taofia mai ai se alii faiaoga i le aso faraile na tea nei ma molia ai o ia i le faaoolima. Ua toe tatala nei o ia i tua ma e tulai i le aso 27 o Mati i luma o le faamasinoga.

O lenei faiaoga e faapea o se alii aoao ua faauu mai o ia i le aofa faafaifeau mai I Malua ma o lo o faiaoga nei o ia i lea aoga.  O le aso 5 o Mati na tulai mai se faalavelave tau taavale i Falevao na fetoai ai se Dyna ma se Toyota van. I uluai suesuega a leoleo na masalomia ai o le telefoni feaveai na mafua ai ona tulai mai lenei faalavelave.

E toalua nisi o le pasese o le Dyna na manunua ai ma taofia ai i le falemai. Ua toe tetea nei i tua i laua nei mai le falemai. Ua molia nei foi e leoleo le alii ave taavale o le van e 25 tausaga o Saleaumua i le ave taavale faatamala ua oo ai le manua (negligence driving causing injury)ma e tulai i luma o le faamasinoga i le aso 27 o Mati e tali i ona moliaga.

O le aso Faraile 9 o Mati na faatoai mai ai se tagi a le kamupani a le Samoa Planet e faasaga i le api o foliga (facebook page ma le blog)a le OLP poo le Ole Palemia. O lenei mataupu e faapea o lo o tuuaia ai lenei kamaupani i ni faamatalaga sese ma le le sao ua tuuina lea i luga o lenei facebook page e se tagata e faasaga i lenei kamupani.

O lo o faia nei i ai suesuega a leoleo ma e leai se tasi ua molia mai ai i lenei mataupu.

O le aso toonai 10 o Mati 2018 na molia ai e leoleo i le moliaga o le faomea matuia (aggravated robbery) ni alii se toafa lea sa sailia mai i le vaiaso ua tuanai atu e tusa ai ma se taavale laupasese na latou ave faamalosia ma tuuina ai le ave taxi le tama 64 tausaga o Vaivase i tua o le keli o lana taavale lau pasese.

O nei alii e toafa e 19 tausaga o le tasi ae o le isi toatolu ei luga ifo o le tai 20 tausaga le matutua. O lo o taofia uma i latou nei i lalo o le vaavaaiga a leoleo e faatali ai le tulai ai i luma o le faamasinoga i le aso 9 o Aperila e tali i o latou moliaga.

By Ilia L Likou 23 March 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>