Se fa’ai’uga o le vaiaso matua tumutumu i le A’oga Tulagalua i Sataoa

By W.T.M Media Rudy Bartley 05 July 2016, 12:00AM

Na matua tumutumu ma pisapisao le malae o le A’oga Tulagalua i Sataoa i le fa’ai’uga o le vaiaso talu ai, i ta’aloga lakapi-liki sa fa’agasolo ai.

O le taualuga o lea ta’amilosaga, na sa’ili ai e le siamupini o le tausaga talu ai, le ‘Au a le Tuna’ula mai Si’umu ma Mulivai ma le ‘Au a le Kaupoe mai Lotofaga,Sataoa ma Sa’anapu. 

Sa matua finau le ta’aloga mai le amataga, e taufai-malolosi uma ‘Au na atili fa’amalosia ai ona toetoe o nu’u uma nei sa ‘auai e tapua’ia ma fa’amalosi atu i a latou ‘Au.

O le fa’ai’uga o lea ta’aloga mata’ina, na manumalo le Tuna’ula, e 14 – 12.

Na va’aia le fa’afiafiaina o le Komiti Fa’afoe o le Lakapi Liki i lea itu o le atunu’u, ona o le lagolagoina e le atunu’u o le ta’aloga ae maise fo’i, le tele o alo ma fanau talenia a le itumalo o Safata ma Si’umu na va’aia i lea aso, e ono fili mai fo’i nisi mo le ta’aloga fa’ava-o-malo ma le ‘Au a Tonga o lo’o fuafua e faia i le masina fou i Hawai’i.

FA’AI’UGA: 

Ta’amilosaga Lakapi Liki a Safata & Lefaga (SAFATA-LEFAGA MATSON TOA GAS (e 5 vaiaso) sa faia i le A’oga Tulagalua i Sataoa.

·         AleisaRabbitohs 10 manumalo ia Lefaga Warriors 24

·         Su’ega Siamupini  - Kaupoe mai Lotofaga, Sataoa & Saanapu e 12, malolo i le Tuna’ula mai Siumu & Mulivai e 14

·        Fa’ailoga Fa’apitoa (Matson Toa Gas Championship trophy & Fa’ailoga Tupe e $1,500.00, ma maua e Leia Saofaiga, Kapeteni o le Tuna’ula

FA’ATULAGANA O LE TA’AMILOSAGA:

1. Tuna’ula mai Siumu & Mulivai

2. Kaupoe mai Lotofaga, Sataoa & Saanapu

3. Toa mai Lefaga 

4. Rapiti mai Aleisa 

Tama Ta’alo o le Ta’aloga, na maua e Lei’a Saofa’iga, le Kapeteni o le Tuna’ula mai Si’umi & Mulivai.

By W.T.M Media Rudy Bartley 05 July 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>