Alagatupe lelei maua mai ie lavalava

“A leai se tiga, leai fo’i se mea e te maua.

O le manatua fa’alia lena a Mikaele Viliamu mai Taga Savai’i.

Sa maua se fa’atalatalanoaga a Mikaele ma le Fofoga o Samoa ao fa’atau atu ana ie mo le $10 i le uafu o va’a i Salelologa, Savaii  was spotted selling printed ie lavalava at the wharf at Salelologa, Savai’i.

Sa ia fa’apea mai i le Fofoga o Samoa, pe o lea le taugata o le soifuaga ma le faigata o le olaga, o le alofa lava o Atua olo’o ola fiafia ai lona ia aiga, ma o le taleni fo’i o lo’o ia maua sa foa’ina mai e le Atua aua le tausiga o lona aiga.

“A o o’u laitiiti, sa ou aoga i Leulumoega i le aoga tusiata ma o iina la lea ou te iloa mai lea taleni,” sa ia fa’apea mai.

“Sa ou mana’o a a’u ia ou te galue a a’u mo a’u ae ou te le fiafia tele ae fa’atonu e lesi tagata lesi tagata.

“O a’u a ia ua ou masani i se olaga tuto’atasi ma o le mea fo’i lena o lo’o ou galue a a’u ia mo a’u.

“Na ou taumafai a lea i le aoga ma ou fa’ai’u ai lava.

ADVERTISEMENT

“Ina ua ou fa’aipoipo, sa amatalia ai lona iina la’u pisinisi ma fai ai a a’u ia elei aua ie lavalava, lea la e fa’atau i le nu’u ao isi taimi o iinei le uafu aua o iinei e tele a tagata e maua mai ai.

Sa ta’ua e Mikaele e $500 lana tupe maua i le vaiaso ao nisi e tele atu.

“O se tupe lelei a lea e maua mo le aiga,” o lana tala lea.

“E fai a la a’u mamanu i se itu e fa’aaulelei ina ia mana’o ma fa’atosina ai tagata ma e fai lava e a’u.

“O se lagona fiafia fo’i ou te maua aua o lea ou te iloaina e a’u lea ou te faigaluega mo a’u ma tagata fo’i o lo’o ou alofa ai, pei o aiga ma fanau.

“O la’u fanau o se lu’itau lea mo ita i lea galuega ma ou te le fia mana’o e feola ifo, ola fa’alolo.

“Ou te mana’o e lelei le latou a’oga.

“E faigata lava le olaga ae tatau a ia tatou ona tatou fa’amalosi i taimi fa’apena.

“E mana’omia fo’i e le fanau le va’ai mai o galue atu o latou matua mo se lelei aua e fa’apena fo’i ona latou taumafai atili ai e lelei o latou a’oga.

“O le tiute a lea o le tama, o le afu ma galue malosi mo le aiga i aso uma.”

ADVERTISEMENT
Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?