O le maua ai o le fa’atalatalanoaga le Fofoga o Samoa ma Seleni Levika 21 tausaga le matua o Afega sa ia fa’ailoa mai ai le manatu o lo’o maua ai foi ona matua e fa’atatau i ogapaipa fa’aleagaina i timuga. 

“Ia o lo’u manatu o le manatu foi le o o’u matua,” o lana lea tala i le Fofoga o Samoa. 

“Ou te talitonu o le mea lava lea le tupe nei ma ua fau lava sina umi lenei fa’afitauli. 

“Ou te iloa foi ua tatau lava le malo ona fai se fa’atatau aua foi e le gata e aafia ai le mea toto aiga ao le tulaga foi le femalagaina. 

“Ou te le fiafia tele ona o le aua savali le tolu vaiaso talu na uma le tau timuga e o lenei lava e to’a le vai. 

“Silasila foi ua lilo atoa le matou fa’atoaga. 

“O le ala foi lea le na taua le itu lenei o le matou nu’u o le Talivai aua e talia uma le vai e  le oo i gatai. 

“O lea e talosagain ai lava le malo ina ia taga’i i nei vaega, e mata e le ano ma le kea mai ai,a au e le’o ni o latou aiga ma o latou nu’u ae fa’afefea le tatou faigamalo. 

Sa fa’ailoa foi e Seleni e lei leva na o latou nofoia lea vaega. 

“O si o’u tina e faiaoga, o ia foi le alagatupe. 

“O le matou omai ai nei, o le galue lava o le maumaga peitai ua fai lenei vai ma fa’afitauli. 

“Ua tou silasila atu ua li’o uma si o matou fale i le lopala ma ua faigata foi na feoai le fanau le aoga ae maise si o’u tina i lana galuega. 

“O lea e vatu ai se manatu pu’upu’u ina ia mafai ona taga’i i nei tulaga ma ia mafai ona silasila e fa’alelei nei paipa ina ai aua ai nei iai se popole i taimi o timuga. 

“Aua o lo’u ia iloa iai o le tele o talosaga fa’alia e le mamalu le atunu’u e uiga i nei fa’afitauli e leai lava se talosaga o tali mai e leai foi ni galuega o faia i nei vaega. 

“A tu’u lava i se isi itu e leai se galuega alofa a le malo o fa’atino ia i nei tulaga e le popole foi latou i vaega nei aua e le’o ni latou afioaga ma nu’u.