O le galuega tele o le Malae Vaalele Faava-o-malo i Faleoloa lea e $400 miliona lona tau o loo faagasolo i se tulaga lelei.

O le tulaga lena e tusa ai ma se alii ofisa o le Shanghai Construction Company Limited-lea na talanoa i le Samoa Observer i luga o lea nofoaga ananafi. “O loo lelei ona faagasologa mea uma,” o le faaaliga lea a lea tama’ita’i.

“Ua matou ‘ausia se faagasologa lelei tele ma o le faamoemoe i nai vaiaso o i luma, o le a matou faamae’aina ai le Laasaga Muamua o lea galuega.

“O le tau sa lelei pea ma e leai ni lu’itau se tele sa matou feagai ai ma o lea ua matou fiafia ai i lona tulaga auiluma e o’o mai i le taimi nei.” O le toe faaleleia aloa’ia o le malae vaalele na tatala e le Palemia o Tuilaepa Sa’ilele Malielegaoi i le tausaga talu ai.

O lea galuega e faitau miliona ma miliona lona tau e aofia ai ni tulaga tau le toe faaleleia e matua tele i falew o le malae vaalele, faapipi’iina o fasitepu e savavali ai ma se nofoaga autu tau le eletise. 

O Galuega Tau le Toe Faaleleia o le a vaaia ai se faaopoopoga i le telē o le malae vaalele mai le 5500 mita faa-tafafā i le toetoe lava 12000 mita faatafa-fa, ina ia avanoa ai ia fale mo le latalata i le 600,000 o pasese femalaga’ai i tausaga uma faatasi ai ma se faagasologa aupito i tele o pasese 300 i le itula.

E tusa ai ma le Palemia, o le ata o le fale o loo aofia ai le faiga o Fale Samoa faale-aganuu ma ia talafeagai ai ma faiga tau le faalanu lau’ava i le taimi nei o le ata fuafuaina ina ia mautinoa ai le tulaga lelei e sili atu tau le faaaogaina o moli e masani ai ma le ‘ea.

 “Mo le Pulega o le Malae Vaalele, o lenei toe faaleleia –o lona uiga o le a tele pisinisi ma vaega mau totogi ai ia e mafai ona tuuina atu ai auaunaga e sili atu tau turisi ina ia mautinoa ai se tulaga toe faaleleia mo tagata malaga, lea ua talafeagai ma se malae vaalele faava-o-malo o ona po nei,” o le faaaliga lea a Tuilaepa i lea taimi.

 “O fasitepe e savavali ai o le a tuuina atu ai se tulaga masani lelei  mo tatou tagata matutua ma pasese e le atoatoa le malosi, ae le ta’ua ai aiga ma tamaiti laiti e asiasi mai ia i tatou mo se aso malolo.

“I lona tulaga aoao, o le taunuu mi, malaga ese atu ma vaega mo tagata lautele o le a toe faalapopo’a uma faatasi ai ma sui sooupu o le malae vaalele e faasino i ai ma auaunaga o loo faagaoioia mai nisi avanoa tetele ma nofoaga o loo faaaoga mo gluega.”

E soso’o le mae’a o le vaega muamua, ma o le a tilotilo le vaega lona lua i le toe faaleleia o le vaega e pito i luma, vaega e tu-laueleele ma malaga ese ai vaalele ina ia faatupeina e le Faletupe o le Lalolagi. O loo faatupeina e Saina le Vaega Muamua.

O foliga fou mo le Malae Vaalele Faava-o-malo o se vaega lea o fuafuaga a le malo ina ia faatulaga Samoa e avea ma nofoaga mo le alamanuia tau turisi, femalagaiga ma sauniga e pei o fonotaga i le itulagi o le Pasefika i Saute.