Sa’ilia se galuega mo le tausia o aiga

By Fetalai Tuilulu’u 24 April 2017, 12:00AM

I le afio’aga o  Savaia Lefaga, o se soifuaga faigata o lo’o feagai ma le tamā i a Matu’u File, 31 le matua o le soifua.

O le maua ai o le fa’atalatalanoaga ma le Fofoga o Samoa na ia fa’ailoa ai le tulaga faigata o lo’o ua feagai ma le tausia ai o lona aiga.

“Ia e pei ona outou tau mai ia o a’u se tamā ma e lima vaivai lava si o’u aiga,” o lana  tala mai lea.

 “O a’u ma si o’u to’alua ma le fanau sa nonofo muamua i Lauli’i ia ae ua omai nei , e fa’aaoga le lauele’ele nei e pei ona outou tau mai ai.

 “Ia o si o matou nei fale, e pei ona tagataga’i mai ai, ua matua’i mana’omia lava se fesoasoani mo le fausiaina, ina ia malu lelei si a’u fanau.

 “O le taimi lenei e leai se isi o si o matou aiga o lo’o i ai se galuega, ma e mo’i lava o lo’o i ai nai gfaluega mo le tausia o aiga aemaise o fanau ae le taitai ona lava.

 “O lo’o lava le tulaga tau i mea’ai ae pei o se galuega o lo’o va’ava’ai ai le taimi lenei aua lava aoga a le fanau.

 “Ia e leai lava se isi mea o fa’amoemoe ai le taimi lenei, e pei o le tupe ia ua na’o se taimi e maua ai, ia ona toe uma atu fo’i lea.

 “O lo’o i ai le fa’atoa’aga , ma o lo’o fesoasoani tele aemaise ai o a’u o se tamā e to’afa la’u fanau.

“Ia o le isi tulaga o lo’o feagai ai ma le faigata o le tulaga tau i le suavai, ua matua’i faigata lava le tau su’e mai aso uma.

“Ia e tasi lava le paelo e tau aoao mai ai le suavai mo le fa’aaogaina i totonu o lo’u aiga.

“E pei o lea lava le tulaga faigata ai mea uma, o le leai lea o se suavai maua.

Mo se fesoasoani mo Matu’u ma lona aiga fa’amolemole fa’afeso’ota’i 7275601

By Fetalai Tuilulu’u 24 April 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>