Faatoaga o le faamanuiaga sili lea

By Seia Soloi 25 February 2017, 12:00AM

O le manatu lea o le Tama ia Talapu Levave, 45-tausaga le matua mai le afioaga o Fasitoo-Uta.

“E naunau tagata uma faigaluega uma i totogi ma tupe maua, a sau foi le tupe e tasi lava le taimi e sau ai ma faaaoga ma uma atu ai, ae o le faatoaga o se alaga tupe pito i tele toe vave pe a oo ina faatauina fua o le faatoaga” o lana tala lea i le Fofoga o Samoa

O le tama ia Talapu o lona faamoemoega atoa lea e iai nei o lona faatoaga, e maua mai ai le ala tupe maua a ia ma lona aiga ma le tausiga o lana fanau e toalima.

“E leai seisi o le matou aiga e faigaluega, na’o le faatoaga lava le famoemoega.

“E lata i le $500tala la’u tupe maua i le aso pe a faatauina meamata, aua e le na’o meamata o lo’o faatauina e aofia ai ma fualaau aina.

O le olaga atoa o le tama ia Talapu na afua mai I le faatoaga, o le ala foi lea o le le sailia o seisi ana galuega, aua o lona talitonuga, o le tupe vave toe tele e mua mai i le faatoaga nai lo le faigaluega.

E moni lava e taugata le soifuaga ae i le mau a le tama ia Talapu, e ala ona faigata ona o le tagata lava ia ma lona faatamnala;

“Aua le ola faalagolago, ae ia atia’e a o tatou aiga i mea ua maua, ma mea o lo’o galue I o tatou lava lima.

I le nonofo ai o Talapu ma lona aiga i le faatoaga, ua ia silafia ai foi le saogalemu ma le filemu o mea uma;

“E ese le faigofie toe saogalemu mea uma, e maua mea uma mai le fanua aua le tausiga o aiga ma fanau.

O le faamuamua a Talapu i lenei tausaga o le faa’ao’ogaina lea o lana fanau;

“O lo’o unai malosi lava la’u fanau I le aoga, aua so latpu lumanai manuia, aua nei ola a’e le ma fanau ia pei o I maua, a ia atia’e lelei lava le aiga o le tagata ia i mea ua maua ae aua le ola faalagolago.

By Seia Soloi 25 February 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>