Tapena Malisi mo la latou ta’amilosaga

By Ilia L. Likou 14 February 2018, 12:00AM

O lo’o ua tapena atu nei le Malisi mo la latou ta’amilosaga Ta’ito’afitu o lenei tausaga. 

I le tele ai o ‘au ua autova’a mai atunu’u i fafo mo lea fa’amoemoe taua o lo’o ua  taunu’u mai foi ma se tasi sui  fa’aaloalogia mo le ta’amilosaga i lenei tausaga i Samoa le Susuga i a Vala Uale.

Mo le silafia ai, o se tasi lea o tama fanau o le atunu’u aemaise le kalapu a le Malisi na  iloga lona tula’i mai i le ta’ita’ia o ‘au ta’ito’afitu o le atunu’u lea na siamupini mai ta’amilosaga fa’avao-malo i tausaga ua mavae.

O le taeao ananafi la na amata ai ta’amilosaga Lakapi Pa’i i le Malae Soka i Tuana’imato, ma o le aso mulimuli le asō e lauina ai togi mo lea vaega lautogia.

O le aoauli fo’i ananafi na fa’ataunu’uina ai ta’amilosaga mulimuli o le netipolo lea na fa’amoemoe e fa’ataunu’uina i le fa’aiuga o le vaiaso ae o le fa’aletonu o le tau na mafua ai  ona  le o’o.

O le solo mo le fa’amoemoe tele i le ta’amilosaga lona 30 o le taito’afitu o le a fa’ataunu’uina lea i le Aso Tofi, le aso lea a taeao.

Mo nisi fa’amatalaga fa’afeso’otai le Itulau Facebook a le Malisi.

By Ilia L. Likou 14 February 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>