O le Aso To’ana’i na se’i mavae atu nei na tu’ufa’atasia ai le Sakalameta o le Fa’aipoipoga Maria Alosia Matilda Leota ma Andrew Chan.

O le Malumalu o le Imakulata i Mulivai na fa’ataunu’uina le sauniga o le aso fiafia mo i laua.

O Patele Falaniko na fa’apa’iaina i la’ua ma  fa’atuaina ai i laua ina ia faamuamua le Atua i mea uma.

E le gata i lea ia ola ma savavali ma le mamata’u i le Atua i taimi aua o le amataga lea o mea lelei aua le aga’i atu ai le lumana’i ma ia fa’avae mea uma o lo la aiga i le alofa o le tasi i le tasi.

O Maria o le alo e fa’asino i a  Togisala Francis Viliamu ma Maria Kalameli Leota mai le afio’aga o Solosolo ma Le’auva’a.

O lea ‘aiga o lo la aso fiafia na  fa’ataunu’uina i le Orator.