Avea le tinā ma fa’ata’ita’iga le fanau

O le maua ai o le fa’atalatalanoga le Fofoga o Samoa ma Telesia Isaia o lo’o fai lana galuega i autafa ifo o lon fale. 

“Ia o le lava e galue atu le eleele ona o le leai lava se alagatupe,” o lana lea tala. 

“O lenei olaga a leai lava le maumaga e leiloa e nisi o tagata le mea o le a fai. 

“Ia o a’u nei o le maumaga lava ma le togala’au aina o lo’o fa’amoemoe iai le tausiga o le fanau nei. E pei foi ona maua mai i lenei aso ia o tau atina’eina o le aiga. 

“Aua  o le tulaga sa’o lava a le galue e leiloa pe fa’afefea ona fai le olaga nei. E pei o le tinā lava e ave iai le mamafa o galuega fai ae maise lava le tausina o aiga. 

Sa taua e le tinā le leai so se suvai i lona fale. 

ADVERTISEMENT

“O le fa’afitauli lava lea o lo’o iai nei ma o lea o le atoa le tausaga talu na leai se suavai,” o lana lea tala. 

“Talu lava na fai mai le mita lea ua mita ai nei le suavai ua tau le maua ai lava se suvai ma o lea o le a savali i le tasi tausaga talu na leai se suavai. 

“Ia pei ona tou tagataga’i atu le paipa o lo’o pa le isi itu ala la ia o le vai lena e le’o maua nei ae o lo’o maimau mai le isi itu. 

“Sa lipoti foi le ofisa le vai ae peitai e le’o mafai ona maua mai se fesoasaoni. 

“Ia e pei o le auala foi lena o lo’o mafai ai ou galue i nei ma va’ava’ai atu foi le ofisa le vai pe afe ane ai. 

Sa taua e le tinā e lei se isi o le aiga o faigaluega. 

“Ia e leai lava se alagatupe ua na’o le maumaga lava o lo’o fa’amoemoe iai. O le aoga foi o le fanau e fa’amoemoe i kasipi, kukama, pi ma nisi o fuala’au o lo’o i luga o le eleele. 

“Ia avea foi nei olaga ma fa’ataitaiga foi le fanau ina ia ave nei ola fa’alolo le lumana’i. 

ADVERTISEMENT
Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?