Mana’omia e le Palemia o Tuilaepa le “faamaoni” ma le “tulaga mamalu”

By Faaliliu e Seagaitumua Tupuola 08 June 2016, 12:00AM

Ua faamaopoopo e le Palemia o Tuilaepa Sa’ilele Malielegaoi galuega a le malo ina ia tuuina atu se isi faamamafa i o latou tiute tauave ina ia ‘ausia ai se vaega o tagata faigaluega se “vaega o tagata faigaluega o le malo e “faamaoni, tausi faavae ma faatuatuaina.”

“E leai se mea e sili atu ona taua i lo faiga faavae tau le faamaonia ma le tulaga mamalu, o le faaaliga lea a le Palemia. “O le tau o le le faamaoni ma le amio e le talafeagai ai e totogi e tagatanuu lautele. E mafua ona o sese ta’itasi uma e te faaaogaina sese ma sese ona tuuina atu i mea e tatau ai e i ai lona sao i se faafitauli auito i tele, lea e mulimuli ane ona afaina ai le ola o le tagata faatauvaa.

“O tupe itiiti e tafe ifo i a’oga a nuu lea na te manaomia nisi tusi poo faia’oga; poo i lo tatou falema’i tele lea na te mana’omia nisi fomai ma ni alamanuia, poo e faaleleia ai le tulaga o tatou auala, aemaise ai lava mo tatou nuu i tua.”

O le Palemia o Tuilaepa, o ia foi lea o le Minisita mo le Komisi o Galuega a le Malo na ia faalia ia manatu e ala i sana lauga sa tatau ona ia faia i le Hotel Millenia i le Aso Gafua. O le nofoaga lena e sili atu i le 30 ofisa sinia o le malo sa auai i se mafutagata tau aoaoga na faamaopoopoina e le UN Pacific Regional Anti Corruption (U.N.-P.R.A.C.) e ala i se faiga faa-paaga ma le Komisi o Galuega a le Malo (P.S.C.).

O le “Integrity Workshop mo Ofisa Sinia o le Malo o loo sailia ai se tulaga faalelei o le malamalama o sui auai e uiga i le Fono a Malo Aufaatasi e Faasaga i Faiga Pi’opi’o, lea na toe iloiloina ai faiga tau le tulaga mamalu o loo i ai nei faapea foi ma le una’ia o le talia ma faamaonia o fuafuaga uiga i le tuuina atu o auaunaga lautele e sili ona lelei.

O tagata Samoa taitoatasi ma tagata Samoa uma ua ia i latou aia tatau uma e manaomia ai o latou taitai ua filifilia ma tagata faigaluega o le malo ina ia tumau i faiga faatulagaina ma le faamaoni, e taui atu ai le totogiina o a latou lafoga,” o le faaaliga lea a Tuilaepa.

Latou te tuuina atu lo latou faatuatuaga ia te outou i le avea ma vaega o tagata lautele, e fai ai faaiuga sa’o ia o le a le afaina ai i soo se itu o latou olaga.”E tusa ai ma le Palemia, o le faamoemoe autu o lea mafutaga faa-a’oa’oga o loo faavae i luga o le Faamoemoe 3 o le Fuafuaga a le Vaega Tau le Pulega o le Malo 2014-2018, lea e tilotilo i le faamalosia o le tulaga mamalu ma le faiga masani o le auaunaga mo tagata faigaluega uma a le Malo.

O le Fuafuaga Tau Vaega o se tasi lea o unaiga a le Malo ina ia ‘ausia ai se tulaga faaleleia o le soifua mo tagata uma, faaalia o lana Fuafuaga mo le Atiina A’e o Samoa 2012-2016..O le vaitaimi umi o lea fuafuaga mo lenei Vaega-ia ausia se pulega tomai ma le faatuatuaina a le malo lea o le a tuuina atu ai ni auaunaga tulaga lelei ma faamaopoopoina mo tagata Samoa uma.

 “Ua noatia le Malo o Samoa i le faamalosia o le talitonu o tagata lautele i le tulaga mamalu o le pulega a le malo,” o le faaaliga lea a Tuilaepa.

O le a ‘ausia lenei fuafuaga e ala i se vaaiga taula’i i le faateleina o le faimea tonu ma le mautali atu i ona tulaga uma, aveeseina o ituaiga uma o le tulaga e le tutusa i totonu o nofoaga o galuega ma le faaaoga sese o alamanuia a le Malo, ma ia leai se faatagaina o le le faamaonia ma le amio tau faasese i totonu o le vaega a le malo.” “Ou te talitonu ua i ai Samoa i luga o le ala sa’o e mafai ai ona ‘ausia le mea na ‘ou ta’ua.

“O le atiina a’e o tulaga mamalu tuufaatasi e mafai ona faaaoga i le vaega atoa lava a le malo ma o le a tuuina atu ai le una’iga tatou te manaomia e faatino ai lea tulaga auiluma o lenei mataupu taua. 

“O nei tulaga o le a fesoasoani lea i le mea ua uma ona faaalia i totonu o le tulafono; o ia mea o se tuufaatasiga taua lea, ae ui o lea, a aunoa ma le faamalosia, e mafai ona leai sona uiga ma e leai sona mamafa.

“E lagolatoina e le Malo le talia o fuafuaga i tupe tau faasese e puipuia ai le mamalu o a tatou faiga tau tupe. O le matafaioi taua a le Ofisa o le Komesina o Sulufaiga o le tau lea ma amioga e le talafeagai ai ma faamalosia le noatia o le malo i le faatinoina o se aganuu o tulaga maualuga o le amio i totonu o galuega a le malo.”

O le itu mulimuli, sa faamanatu atu e Tuilaepa e faapea i le avea ma tagata faigaluega o le malo, ma i le avea ma ta’ita’i o le pulega malo,” ua ia i tatou se tiute tauave tulaga muamua  o le fai lea ia mautinoa e faapea o le utiuti o alamanuia ua tatou maua ua faaaoga i se faiga lelei, manino, ma le mautali atu i se faiga e talafeagai le tau.

I se taimi mulimuli ane i totonu o le polokalame, o le a fesiligia outou ina ia faailoa mai faamuamua tau le toe fuata’ina o loo i totonu o lenei vaega taua. Ou te ole atu ina ia outou mafaufau lelei i ai ma faailoa mai pe faapefea ona sili atu se faiga a Samoa, ma le mea e mafai ona tatou faia i le avea ma tagata faigaluega o le malo –e puipui malu ai le faatuatua o tagata lautele ua tuuina mai ia i tatou.”

“Ou te fautuaina i latou na faamaopoopoina lenei Aoaoga Tau Tulaga Mamalu, ma le Vaega mo le vaaiga toe faafouina e uiga i le tulaga mamalu i totonu o vaega a le malo. Ou te faamoemoe o le a ou pulea le faaauauina o lenei galuega i le lumana’i.”

O lea mafutaga tau aoaoga na mae’a ananafi.

By Faaliliu e Seagaitumua Tupuola 08 June 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>