‘Aua le fiu gofie

By Vatapuia Maiava 03 October 2016, 12:00AM

O Kuresa Taofi o ia o se tamā fai fa’ato’aga ma e to’alima ona alo ma le tinā o le aiga.

Na ia fa’ailoa i le fa’atalatalanoaga ma le Fofoga o Samoa ua telē lava le suiga ua i ai nei aso pe a fa’atusatusa i aso ua mavae.

“Ia e fai lava la’u tala ona o a’u na ou ola ane i’inei ma e le fou le va’ava’ai a i fua o fa’ato’aga mo le tausiga o le aiga.

“Ia o le tele o taimi ua ave le talo ua fa’atau i le maketi ma e tele lava ina $20 le tau o talo e fa ma o la’u fua atu i ai ia ua solosolo lelei lava.

“O aso la pe sa tau gau le fa’atautalo , ia e ui lava ina to’atele le ‘aufaifa’ato’aga i le taimi lenei ae o lo’o mafai lava ona maua mai nai tupe pe ā fa’atau atu i le maketi i le tele o aso aua lava se mea’ai o le aiga.

“Ia o le galuega nei fo’i a alualu ua lagona le lelava ia fai sina koma, e leai se isi e pule mai fua, e fai mea uma ina ua loto i ai.

Na ia fa’ailoa o le olaga i totonu o le afio’aga o lo’o saogalemu mea uma.

“Ia o le tulaga lava lea e i ai ia o fe’au masani lava o le taeao...o le a’upega malosi lava o le – ‘aua lava le fiu gofie i so’o se galuega.

“Ia a leai se fa’ato’aga ia e leiloa pe a fafefea ona tausi le aiga.

“Ia a uma lava galuega i le tele o aso ia ona o atu fo’i lea e fai mea’ai aua le afiafi ma talatalanoa ma fanau ma aiga.

“Ia o lo’o solosolo lelei mea uma, ia o le taimi lenei e to’alima le aiga fa’atasi ai ma le fanau ma o lo’o i  ai le matua tausi o le aiga.

“O lea le galuega i taeao uma, ma o se fiafiaga le usua’i i ai aua e pei o le feau mamafa lava lea.

“O se fesoasoani tele lea mo si o matou aiga o le ma’umaga, ma o lo’u iloa i ai o se vaega taua tele lea ma e ao lava ona fa’amalolosi le to’atele o nai o tatou tagata e atia’e aiga i so’o se mea e mafai ma o’o i ai le malosi.

By Vatapuia Maiava 03 October 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>