Manatu O Le Fa’atonu - O lo tatou atunuu, e tofu i tatou ma lana e fai

By Faaliliu e Seagaitumua Tupuola 08 June 2016, 12:00AM

Talofa lava ma e faatalofa atu i lenei taeao! Ou te fia momoli atu le faafetai tele i le Taitaifono o le Komisi o Galuega a le Malo,  o Tu’u’u Dr. Ieti Taulealo, U.N.P.R.A.C. ma le U.N.D.P. mo le valaauina o a’u e fai se tautalaga i le asō.

Ua matua ‘ou lagona ai le loto faafetai. Mo le asō-sa talosagaina o ai e fai ni nai upu e uiga i le “Matafaioi a nusipea tau le faailoa atu ina ia taofia ai faiga pi’opi’o” ma ia faapea ona “siitia ai le tulaga mamalu i le va o sui auai o le mafutagata tau aoaoga i le asō-i latou ia o ofisa sinia o le malo. 

I le amataga, ou te fia faailoa atu e faapea a pa’ia loa faiga pi’opi’o ma le afaina ai o tagata, matou te talitonu e afaina ai le atiina a’e ma tula’i mai ai tulaga faigata ma le mativa. E leai se tulaga masalomia o lea mataupu. I le Samoa Observer, matou te talitonu o loo i ai se sootaga e le mafai ona teena i le va o gaoioiga tau faiga sese i nofoaga faitele ma nofoaga faapito e mafai ona alu loa e le faasalaina ma le faatupula’ia pea o le aofai o tagata matitiva i totonu o Samoa-poo i soo se isi lava atunuu e tusa ai ma lea tulaga.  

E mafua ona o taimi uma lava e faaaoga sese ai tupe a le atunuu ma lē faamaumauina lelei, o le avanoa mo se tama poo se teine e maua ai lona aoaoina, se tina poo se tina o le tina e maua ai se tausiga lelei tau le soifua maloloina, ua matua le mafai lava ona maua. O loo i ai faamatalaga molimau o loo avanoa i se tulaga lautele e lapata’ina ai tatou e faapea e tupu faiga pi’opi’o pe afai e le taofia.

That’s to say that once a pattern of wrongdoing becomes O lona uiga e faapea o le taimi lava e avea ai le faagasologa o faiga sese ma faiga faavae ma faatagaina faale-tulafono, e leai se mea e mafai ona taofia ai alii ofisa faimea pi’opi’o mai le toe faia o isi faiga pi’opi’o e sili ona afaina ai-ma gaoi ai nisi tupe e tele mai ia te oe ma a’u, ma tagata totogi lafoga e leai so latou  leo. O le faamalaia lenei a faiga pi’opi’o e pei ona tatou iloa.

Ua leva ona iinei ae tatou te le’i fananau mai ma ua loa ona ia i tatou talu mai lena taimi. O le upu moni ia te outou, ua ‘ou le mautinoa pe faamata e mafai ona matua taofia pe a fua i le faananau o le tagata ina ia o faatasi ma le lalolagi fesuisuia’i lea e aofia ai le tamaoaiga o le lalolagi nei, tulaga tau galuega, paoa ma le tupe-ma le anoano o ia mea. 

I nusipepa, o la matou galuega o le tuuina atu lea o se avanoa mo se talanoaga ma tagata lautele, o lana matafaioi o le faailoa atu, a’oa’o, ma faafiafia. Ae peitai-o la matou matafaioi e sili ona taua-ma o se matafaioi lea ou te lagona e aupito i sili ona taua i le potopotoga i le asō-o la matou matafaioi lea o le avea ma ta’ifau leoleo o le malo

I totonu o li’o o le temokalasi, e faaigoa i tatou o le esetete lona Fa. Tatou te galulue e avea ma taliga ma mata o sui o tagata lautele-e lipoti atu i ai le mea tonu ma le sa’o, fai fesili faigata ma ia ‘aua ne’i tosoa’ina e se taumafaiga e fesiligia ai o tatou taitai pe o tausi ia latou folafolaga ina ia fai mea tonu, mautali atu ma faafoe le malo e tusa ai ma faiga faavae tau faigamalo lelei.  

O le mea moni, e faatino e nusipepa se matafaioi taua tau le siitia o faigamalo lelei ma le pulea o faiga pi’opi’o. Ia-o le sailia o tala a nusipepa, faamatalaga ma le fuafuaina –e le gata ina siitia ai le silafia o le atunuu e uiga i faiga pi’opi’o; ae ua tuuina atu ai alii ofisa faimea pi’opi’o i luga o se faasilasilaga e faapea o loo mata’ituina i latou. I nisi o itu, o lea faasalalauina o tala ua taunuu ai i ni faaiuga lelei-e aofia ai ma faamasioga, faamavaega, ma suiga i tulafono-mo le mea e sili atu. Ae o le taua o le matafaioi a nusipepa e sili atu lona taua. O le lipotia o tala fou, mo se faataitaiga, e mafai ona una’ia vave ai faalapotopotoga a le malo ina ia amata ni suesuega aloa’ia i tuuaiga tau faiga pi’opi’o 

E le gata i lea, o faamatalaga a tala fou ia e tuuina atu aim ea na maua e faalapotopotoga e tete’e i faiga pi’opi’o-e pei o le Ofisa o le Pule ma Su’etusi Sili, le Komiti a Alii Ofisa o le Palemene, Komesina o Sulufaiga ma isi-ua faapea ona faamalosia ai le tulaga aloa’ia faale-tulafono o nei faalapotopotoga ma faaitiiti ai le faigofie ona ta’a’alo vaega ia e umia le paoa ia latou galuega. 

I le tasi itu, a faaalia e tusitusiga i nusipepa faiga sese e o’o lava i faiga pi’opi’o i totonu o le tele o faalapotopotoga a le malo (ona tuu lea e faamasinoga, leoleo ma faalapotopotoga ma le aufaigaluega e tete’e atu i faiga pi’opi’o ina ia siaki.  O le una’i a tagata lautele e tulai mai ai se toe fuata’ina o ia –le aoga ma le lelei o nusipepa e galulue e peiseai o se isi mamafa faaopoopo e faamalosia ai le tete’e i faiga pi’opi’o. 

O le faafitauli o isi ta’ita’i, ua matou maua e faapea o sina taimi talu ona latou umia tofi-aemaise ai lava pe afai ua leva tele ona latou umia ia tofi-ona peiseai lea ua ua galo ia i latou folafolaga na o latou faia. O le mea lea-e ui lava ina foliga mai ua leva ona faatonu faale-agaga e nusipepa tua le molī i nei matauu i le tele o tausaga, ae o loo tumau pea ona latou fulitua i ai. 

Ua outou silasila la, i Samoa nei, o le Samoa Observer o lea ua latalata i le taimi nei i le 40 tausaga lona matua, ma iea taimi atoa, sa matou manatu o loo matou faia se galuega fita-o le tuuina atu lea o le moli o le malamalama  i luga o faiga pi’opi’o, faatasi ai ma le faamoemoe ina ia aveeseina loa lava ma ia le toe aliali mai. 

Ma i le asō, e ui lava i mea uma, o loo iinei pea faiga pi’opi’o, o loo pulato’a mai i o tatou foliga. Ua matua musu lava e alu ese. I nisi taimi o a matou taumafaiga ina ia faalauiloa faiga pi’opi’o, e te lagona e peiseai o loo tu’i o matou ulu i le pa-sima. O le mea tau faafefe ia i matou e faapea a maua i matou i le fetaulaiga o ala, ua le mautonu o matou mafaufau, matou te mafaufau pe mfai ona faauigaina lea  gῡgῡ  e faapea atonu ua masani ai lava tagata i le manatu o se lalolagi faimea pi’opi’o lenei ma e leai lava se isi ala. 

O lea tulaga-o le mea moni e te lagona ai le gatete o tuasivi. Ia-o le a la la tatou mea o le a fai? O fea a tatou o i ai mai lenei nofoaga? O i ai se faamoemoe?  O le mea moni-o loo i ai le faamoemoe 

Ma e amata ia te oe lea o loo nofo i totonu o lenei potu i le asō. O le manatu e faapea o loo faatinoina e le malo o Samoa se galuega tele e taofia ai faiga pi’opi’o ma siitia le tulaga mamalu i totonu o galuega faatino a alii ofisa i tulaga uma e ono mafai ona avea ma faala’ei’au. E ono mafai ona faapea o ni laasaga iti ae o ni laasaga lelei.  

I lenei la tulaga, ou te fia faatepa outou i upu a le tatou Palemia ina ua na tatala lenei fonotaga ananafi. “O le Mamalu e manaomia le loto tele,” o lana faaaliga lea. “O le tuuina atu lea o le loto atoa i le faia o le mea sa’o, tusa lava pe o le a le faigata ma le lu’itau mai. “O a tatou faiga faavae tau faigamalo lelei e faalagolago i lo tatou tulaga mamalu ma le faimea tonu ma le mautali atu o se vaega taua lea o la auaunaga faale-malo.

Manaia tele ia upu ae le lava. “O le a tumau pea ona avea ma upu ae a tatou le faia se noataga e vaaia ai ua faatino. O le Lototele ua na o se upu e faagaoioi ai. Na te manaomia oe ina ia taulamua ma tuuina atu le lapataiga pe a e vaaia ma sogitia faiga sese. I lenei taeao, ou te fia una’ia outou uma lava i le taumafaiga ina ia taofi faiga pi’opi’o ma faataua faiga faavae, mea e faatauaina ma le mamalu i totonu o lenei atunuu.

E tofu i tatou ma ma lana e fai. A tatou talanoa la i galuega fai ma matafaioi, e tatau ona faailoa atu  e faapea o le aoga  o nusipepa e faalagolago i luga o le avanoa i faamatalaga lelei ma le sa’o ia e faavae ai la matou galuega.. 

A tatou talanoa loa e uiga i le faafeagai ai ma faiga pi’opi’o, o puna o faamatalaga o lo matou ola lea. A aunoa ma puna o faamatalaga ma tagata e faailoa mai tala, o le a tauivi tusitala ma nusipepa. Tamaitai e ma alii, afai e te silasila i se faiga sese ma se faiga pi’opi’o i soo se nofoaga lava e te i ai, o loo i ai la matou imeli, telefoni poo atonu ua na o se kofe le mamao .Soifua. 

By Faaliliu e Seagaitumua Tupuola 08 June 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>