Le o’o se Tu’uga Fautasi

By Ilia L. Likou 19 April 2018, 12:00AM

Ua fa’ailoa mai nei le le mafai ai lea ona fa’ataunu’uina le tauvaga Fautasi o lenei tausaga i le Sisiga Fu’a.

Na fa’aalia nisi o popolega aemaise o atugaluga o le atunu’u i le ono mou atu lea o lea fo’i fa’agatama e moemiti uma ai tagata uma i le fia silasila i ai.

O  Lavea Ituau mai Manono na ia fa’aalia lea tulaga ma na ta’ua o se itu e ao lava ona toe silasila ai le malo.

“Ia o le itu faigata lava lea, ona e pei e le tau fa’ailoaina lea fa’agatama, ia o se mea fiafia tele le ta’u o le Sisigafu’a ona o lae iloa e fai le tuuga.

“O la aso, ia e le nofonofo ia lelei le to’atele ona o le taumafai lava lea ina ia o uma e matamata nei tu’uga.

“O le popolega tele lava o lo’o ua i ai i lo’u ia fo’i tagata o le mou atu lea o le ta’aloga ma ono le toe mafai ai ona faia se isi tu’uga.

“I a te a’u lava ia o se tulaga e ao ona toe silasila i ai le malo, i le taumafai lea e toe fa’aolaola mai lenei fa’agatama i le tai.

Na ia fa’ailoa e ao lava ona toe silasila i fa’ailoga o va’a.

‘Ia e leiloa mafua’aga e pau le mafua’aga lea tau saua i le fa’alogo o le le lava lea o va’a e tatau ona tauva.

“O le a le mea o i ai pe a fa’apea na o le lua pe tolu.

“Ae le tatau ona tatou fa’atu’utu’u ai fa’apea, o nai vaega ia o lo’o manatua ai lava le fa’atoa tuto’atasi o si o tatou malo i la aso ua alu.

‘Ia e tatau ai fo’i la ona o tatou fa’aaogaina pea ina ia mafai ona maua ai pea le tulaga foi le le o le taumafai e fa’aaoga pea avanoa o le fu’a e fai ai tu’uga nei.

‘E mo’i lava o le Teuila , ia pei e manaia lava le Sisiga Fu’a mo lea ta’aloga i le tai ua leva ona o tatou fa’aaogaina. 

By Ilia L. Likou 19 April 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>