Share

Ou te masalo ua tele ni tala ua fe’avea’i i luga o le ‘ea faapea niusipepa e uiga i le mataupu e faasino ia te au. Ou te masalo foi ua tele ni manatu ua faalele, faitioga, ma lima ua tusitusi faasaga ia te au, ae le o mautinoa lelei tulaga uma e faasaga i tu’uaiga ma le moliaga. E moni ai le Afioga a le Atua; “Aua e te faamasino atu nei faamasino oe.” Fai mai foi le isi fasi fuaitau; “Aua e te faamasinoina le Tusi i lona faavaa/kava (Don’t judge a book by its cover).

O le mea lea e i ai tatou Samoa, e sau loa lava se tala e fa’alelelei ona muamua lea ona fesilisili poo se Samoa, ona sona faalu loa lea o le savili ae leai ma se malamalama’aga tele iai. O le mea lea e taua e Toeaiina o le”talaoso.” Ma le isi mea, e toe taumafai lava le isi Samoa e tuu i lalo le isi Samoa, ae leai se faamafanafana (sympathy). E moni ai le muagagana a le atunuu; “O uo mo aso uma ae o le uso mo aso vale.”

O le isi itu, o faamatalaga nei na tusia e le palagi mai le Niusipepa a le Fairfax Media Group, o le tala lava lena e tasi i lona faa-Peretaniaina na faasalalalau e Nusipepa Samoa ma isi niusepepa i Niu Sila e aunoa ma se isi o i latou sa su’esu’e atili i le mataupu ma tusi ni a latou lava faamatalaga.

O le aso Faraile na te’a nei, sa ma fono ma talatalanoa ai i lou fale ma le tusitala mai le Fairfax Media (Rob Kidd), o le na tusia le tala o loo malomaloa ai nei Samoa ma tagata.

O lona manatu e le o fea (fair) le faasalalaulauina o le mataupu ona e leai sa’u faamatalaga na fai ma e le fea foi le ala na talanoa mai ai le Faamasino, ona e le’i faia se faamsinoga (trial) e auiliili uma ai mataupu sa tuua’ina ai a’u.

Sa manao e avatu sau faamatalaga tusitusia na te faasalalaulauina (he wants to publish my side of the story), ina ia iloa ma malamalama ai tagata e lua itu o se tala (There is two sides to any story). O lau faamatalaga la lenei, ae ua na o sina vaega o se tala o le a ou tusia i le gagana faa-Peretania e tali faitau atu ai i se taimi o i luma.

E i ai ni upu tusitusia sa lomia ou te fia faasa’oina ma nisi vaega e faalautele ai lo’u tetee i le faiga (treating) o a’u ele Matagaluega ma Leoleo; ma le mafua’aga o lo’u ioeina o le moliaga.

Muamua, ou te tete’e i lea faamatalaga sa ‘ou gaoia le $194,000. Sa faapea le faamatalaga o lenei faiga sa fai mo se vaitaimi e tusa ma le 7 tausaga.

Mo le silafia e le mamalu o le atunuu, o tausaga ia e 7 sa totogiina (financial assistance was paid over a period of 7 years to clients I helped processed their applications) ai le fesoasoani tau fale (Accommodation Supplement), ma penefiti i tagata sa ou fesoasoani i ai e faagaioi (processed) a latou talosaga e maua ai le fesoasoani. I le amataga o lea mataupu, sa feosoosofa’i solo le matagaluega ma fai mai e $50,000. I le isi taimi ua fai mai e $60,000, $100,000, ae mulimuli ane ua taunuu i le $194,000. Ona o le le mautonu o le Matagaluega ma Leoleo i se aofa’i sa’o e tuua’ia ai a’u, ua fai mai ai loa, e le agavaa tagata ia sa ou fesoasoani i ai i le fesoasoani tau tupe mo fale (accommodation assistance), penefiti mai (Invalids Benefit), ma isi fesoasoani. Ona fetagofi loa lea ua faitau faatasi le tupe sa totogi i ia tagata mai le fitu tausaga talu ai, ma tuuaia ai a’u ma fai mai sa ou faia le tulaga i se auala taufaasese.

Sa iai se manatu o Leoleo ina ua latou su’esu’eina lo’u fale ma molia a’u i tuuaiga tau faasese (fraud), ole a latou maua ni tupe i lo’u fale, pe manatu foi mai ile amataga sa ou faia ni igoa sese pe pepelo, pe leai foi ni tagata faapea (that I make up false names for the purposes and that these people do not exist). Ae sa le fiafia ina ua iloa, o tagata ia na ‘ou fesoasoani i ai o tagata moni pe o tagata soifua.

E fai ma faamaoniga o la’u tala; o se tasi o tagata sa ou fesoasoani ai mo lana accommodation supplement, sa tusi mai i le Matagaluega ma fai mai e toe totogi atu le $70,000 ma faafefe o le a ave i le tualfono/faamasinoga. Ina ua auai atu le tagata lea mo le toe iloiloina o le faaiuga (review of decision) ma lana Loia, sa faamaonia ai e leai se mafuaga po se faamaoniga ale matagaluega e faapea e le agavaa le tagata lea mo le fesoasoani. O le tagata o loo faigaluega tumau ma o loo totogi lana rent.

Sa vave lava ona tata i lalo le leo o le tagata su’esu’e (investigator) ale matagaluega ina ua faasa’o atu i ai e le Loia guidelines (ta’iala) ma policies a le matagaluega e mafai ona maua le accommodation. Sa faamanatu atu i ai e le Loia le tala ale Minisita o Paula Bennett, “o soo se tagata e totogi lana board, rent, mokesi tusa lava pe le faigaluega, e agavaa mo faamanuiaga o tupe e fesoasoani i le totogiina o latou fale.” E oo mai i le taimi nei, e le’i toe tusi mai le Matagaluega e totogi atu le aitalafu pe o afaiina le tagata lea.

Talu ai ona o a’u sa faagaioia (processing) le application, ua liliu le matagaluega ma tuua’ia a’u ma fai mai sa ou faia i se auala sese. O le $70,000 la, ua na o se tasi o tinoi tupe o loo faaopopo i le $194,000 e pei ona taua i luga.

Ou te le iloa pe aumai fea e le tagata su’esu’e ale Matagaluega ma Leoleo le manatu (idea) e le agavaa tagata sa ou fesoasoani i ai i tulaga tau tupe fesoasoani po’o penefiti. O tagata sa ou fesoasoani i ai o tagata-nuu o Niu Sila (NZ Citizens). Na o mai nei tagata i Niu Sila i le 1996. E leai ma se faiga faalilolilo pe solitulafono e uiga i le nonofo mau ma avea ia tagata ma tagatanuu moni o Niu Sila (There is nothing illegal about their residency requirements here in NZ).

O se tasi o tagata ia na maua le penefiti mai (Invalids Benefit), sa fai e le isi tagata lana penefit, ae ou te le’i faia. O loo i ai uma faamaoniga o pepa mai le falemai ma le fomai a le-aiga e faamaonia ai le ma’i o lea tagata mai le amataga i le 2007. O loo i ai foi i faamaumauga ale Matagaluega, sa maua muamua e lea tagata le penifiti mai ile 1997. Ou te le iloa la po’o fea e aumai ai le latou mau e le agavaa lea tagata. E pau la’u galuega sa fai i ai o le faagaioia (processing) o reviews ma isi pepa e oo mai i le Ofisa.

Ou te masalo e manatu le matagaluega ona o se feteegaiga tau le va fealoa’i (conflict of interest), o le ala lea e le agavaa ai.

O le isi vaega e faamaonia ai lo’u tete’e, e moni sa ou faagaioia (processing) isi applications, ae ou te le’i approving le totogiina o tupe. O le tulaga lena e faamaonia ma approve e le isi tagata o le fale faigaluega (Approver). O lona uiga, e le o se faiga e faapea na ou faia i se tulaga faapi’opi’o. Sa ‘ou faagaioia pepa talosaga ona o lo’u agaga fesoasoani, ao lenei ua ‘ou afaina ai.

Sa faamaonia atili lea vaega i le faamasinoga o lo’u aiga lea sa le faaaogaina e le Faamasino ma le jury. Ina ua fesiligia e lana Loia le Investigator (tagata suesue a le Matagaluega) pe na te silafia e sitiseni NZ tagata ia, ae fai mai na te leiloa. Sa toe fesiligia e le Loia ma fai atu; Talu ai ona o tagata nei o tagata-nu’u moni o Niu Sila, e te iloa la e tatau ona agavaa tagata ia i le penefiti. Sa tali mai ioe. O a latou molimau faapitoa (so called star witnesses did not stand a chance) na avatu, sa tau le mafai ona tali fesili a le Loia a lo’u aiga. Sa tele ina lulu le ulu o le Faamasino (Judge) ma i latou e iloiloina le uiga (Jury). O le iuga, na togi i fafo e le Faamasino le tele o le lapisi na lau atu e le itu tagi, leoleo ma le matagaluega, ma sa le faamaonia ia moliaga. Sa matua faafetai mai le Faamasino i le Loia a lo’u aiga i lona sogasoga ma le ma’elega i le suesueina auiliili o le mataupu.

Ina nei umi la’u tala, ae o la’u mataupu, e le’i faia se faamasinoga e iloilo ai lo’u tagata.

Sa ‘ou ioeina le moliaga ona ou te le’i manao e afaina tagata na ou fesoasoani i ai, ma ou te le’i mana’o foi e umi se taimi e faataavale ai le mataupu ma avea ma popolega mo a’u ma lo’u aiga. O le toe manatu, ana ‘ou iloa lava e faataunuu le faamsinoga ma vala’au tagata sa ou fesoasoani i ai e fai ni a latou molimau, e iloa ai sa maua lava e le tagata ia fesoasoani tau tupe sa totogi i ai latou.

Ae ui o lea, sa ‘ou faia ma mulimuli lava i le fautuaga a la’u Loia i le auala e faigofie ma vave ai lona taunuuga.

O lona aotelega, sa manatu maualuga leoleo ma le matagaluega e mafai ona latou falefaapuipuina a’u ma lo’u aiga. Sa iloa lelei e leoleo ma le matagaluega e le mafai ona latou valaauina uma tagata sa ‘ou fesoasoani i ai i le faamasinoga, ina ne’i te’i ua le faamaonia pe aafia ai la latou tagi. O loo i ai foi molimau a tagata ia ma faamaoniga sa latou maua le fesoasoani e pei ona fesiligia. (They didn’t want to drag each individual I helped, as it might jeopardise their case. Afterall, it’s their word against them and theirs is evidences to support that they received the financial assistances in question). Talu ai e le mafai ona latou faia lea faatinoga, sa latou su’e ai loa se isi e tuua’ia. Talu ai ona o a’u sa ‘ou faatinoina le faagaioina o pepa talosaga,o lea na latou tuua [‘ia ai loa a’u i ia tulaga uma. (because the ministry could not rely on the testimony of the clients, they looked for a scapegoat and therefore blame it all on me, as I was the one that processed all the applications and consequently maintained it.)

Sa i ai fo’i se faamatalga e faapea sa ‘ou faia le sese ona sa ou popole i la’u matafaioi i lou aiga ma le community Samoa. O a’u o se tagata fesoasoani i o’u tagata ma tagata Pasefika. I le tele o tausaga sa ‘ou galue ai i le Matagaluega, e tele tagata o le tatou atunuu ma isi atunuu ole Pasifika e o atu ae le talia e isi Case Manager o latou manaoga, ou te taumafai e fesoasoani ma fai mea uma ina ia fo’i i o latou aiga ua faafiafiina. E te mafai ona fesili i le tele o tagata Samoa latou te iloa a’u mai le falefaigaluega, e mafai ona molimau i le tele o galuega fesoasoani sa ‘ou faia mo i latou. Ou te taumafai ia maua se mea’ai, tupe e fesoasoani ai i le totogiina o le behind o le power, telefoni, rent, ma isi tulaga.

I le ma le isi itu, e leai se mea e lote ai fua la’u Ekalesia. O o’u sese o le sese faaleagata  lava ia, ae le patino i se ekalesia. E leai fo’i se tagata e tu faa-mauga. E i ai taimi tatou te fai ai mea sese ma na o oe lava ma le Atua lua te fesootai mo se faamagaloga, ma ua na o ia foi na te faamasino ma silafia le sa’o ma mea tonu uma. Tatou te tu’u la ia te ia mo lana faamasinoga sao. Mo lou outou silfafia, e le o tapuina (excommunicated) lo’u igoa mai le Ekalesia. O loo o’u saoloto pea e auai i saunig- lotu i Aso Sa taitasi.

I lona aotelega la, faitau i ai oe, faaliuliu, ma e faamasino po’o ai e te talitonu iai. Ana moni ma faamaonia uma nei tulaga uma, semanu ua ou falepuipui. Ana ‘ou fai foi ma le mautinoa ia tulaga uma ma ou aveina le tupe na tuuaina ai a’u, semanu ua leva ona ‘ou sola ese ma lenei atunuu. Se manu foi ua uma ona faatau sou fale fou ma totogi uma au aitalafu. Ae leai se uiga ou te sola fua ai Se ou te le’i faia se gaioiga faapea ou te penefiti ai. Mo le silafia, o loo totogi la’u rent ma o loo totogi foi a’u aitalafu e pei a o tagata uma. (if these claim were true or if I set out to commit fraud against the Ministry, I would have fled the country a long time ago.

I would have bought a house and pay all my debts. But there is no reason for me to flee or run away from something that is not true.

I still pay rent and I still have debts to pay like any other ordinary citizen).

Ole faasalaga ua ‘’ou tauaveina nei, ose faasalaga sa ma malilie i ai a’u ma la’u Loia i le taimi o le fa’aata’ataga o se faasalaga (sentencing indication), ae le ose faasalaga na maua i le faataunuuina o se faamasinoga (no trial). Fa’amoemoe , o le a e silafia lava, o so’o se tala lava, e lua ni ona itu (there is two sides to any stories) e pei lava o se tupe sene e lua ni ona itu.

Share

Please Register OR Login to comment.


Comment Policy: Please read our comment policy before making a comment. In short, please be respectful of others and do not engage in personal attacks. Otherwise we will revoke your comment privileges.