Share

O le faia o se valoaga e aafia ai le afio’aga o le mafua’aga lea na fa’atea ese ai e Ali’i ma Faipule o Fausaga i Safata le sa avea ma faifeau Asofitu.

E mafua lea fa’aiuga, ona o ni pepa fa’alauiloa o ni sauniga tu’ufa’atasi a le Ekalesia Asofitu Samoa i le afio’aga o Nuusuatia i le fa’aiuga o le tausaga 2011 sa ia tusia ai ni valoaga a le susuga ia Enoka Eteuati e fa’apea “le mafuli mai o se maa mai i le lagi ma nutililii ai Fausaga

Ina ua logotala iai Alii ma Faipule o le afio’aga e tusa ai o lenei pepa fa’alauiloa, sa faia ai loa le fonotaga ma faia ai loa le fa’aiuga e fa’atula’iese le faifeau ia Enoka Eteuati, atoa ai ma lona faletua ma lona aiga mai i totonu o le afio’aga.

O le aso ananafi na fuafua e Iloilo ai i luma o le Fa’amasinoga o Fanua ma Suafa lenei mataupu.

Peitai na saunoa manino le susuga i le Sui Peresitene ia Sevealii Panapa ona o loo iai se tasi o mataupu o loo fa’aauau pea ona fa’agasolo i luma o le Fa’amasinoga ua le mafai ai ona fa’ataunuu le latou mataupu.

Sa ave foi malu i puega a le Sui Peresitene i le paia o itu Fa’amasinoga ona o lea tulaga.

E lei auai atu le susuga i le Faifeau na a’afia, peitai o nisi o matai sa fa’atuina lenei Ekalesia i totonu o Fausaga sa latou tu’uina atu lenei mataupu i luma o le Fa’amasinoga e te’ena ai le fa’aiuga na faia e Alii ma Faipule.

I fafo ane o le Potu Fa’amasino, sa toe tatalo ai nisi o matai sa fai ma sui o Alii ma Faipule i le sa fa’auluina le talosaga a le itu a le Faifeau, ia Filivaai Mano Palu II ina ia toe tuu mai i tua le latou mataupu e soalaupule ai.

Sa talosaga foi ma tatalo Filivaai i nei matai, ina ia alofagia le latou fa’aiuga sa faia i le Faifeau.

O ia e tumu i le fa’aaloalo ae nao le pau lea o le toomaga mo le faifeau o le Fa’amasinoga, ae a fa’apea o le latou finagalo lea, ia tatala le latou fa’ai’uga.

Na toe tali faitau se tasi o matai o le nuu e suafa ia Laumatia Falaniko ia Filivaai e taatia atu lona finagalo sei fono Alii ma Faipule o le nuu.

O le latou fa’anaunautaiga, e le toe manana’o i le susuga ia Enoka ae toe sui atu se isi faifeau.

Share

Comments 

 
0 #5 2012-11-20 08:30
Nice article, pau le talosaga, pe mafai ona faamanino le Ekalesia moni o loo aafia. E i ai le Ekalesia Asofitu Misiona, e i ai foi le Ekalesia Aso Fitu Tutoatasi, ina nei faalauaitele le ripoti, ae aafia ai lagona o tagata Ekalesia. Manuia Samoa i lenei aso.
 
 
0 #4 2012-11-19 12:44
Aga o a'u o Enoka, e o'o mai loa se fa'atonuga i ni valo'aga e vavalo ai ia Fausaga, fai loa le mea na fai e Iona o le sola i Nineva, hahaha, ae sola oe aga'i Savai'i, e lelei afai ae afatia le folauga i le vasa ona silafia ai lea o le fa'amaoniga lena o le valo'aga ua tu'uina mai e vavalo ai.lmao
 
 
0 #3 2012-11-19 09:28
Aga o e ave ga kupe e pay ai fees a lakou fagau o sili. Spend money on court proceedings and ask NUS for another chance and discount. Now how good can that be. Its only in Samoa.
 
 
0 #2 2012-11-18 19:17
It is written that "A curse is like water on a duck's back.."
 
 
+2 #1 2012-11-17 22:10
E leai se ma'a i le lagi ga'o le papa ga fausia ai e Iesui lana Ekalesia..hahaha
 

Please Register OR Login to comment.


Comment Policy: Please read our comment policy before making a comment. In short, please be respectful of others and do not engage in personal attacks. Otherwise we will revoke your comment privileges.