Share

E valu fautasi ole’a fa’apea ona tausinio ile Fa’amanatuina o le Teuila mo lenei tausaga, 2012, ma e $40,000 le manumalo.

E pei ona silafia o se taimi muamua lenei ole’a fa’apea ona tauva ai se fautasi e aloina e le itupā o tama’ita’i, ma o lea va’a ua fa’aigoaina o le Maria Imakulata mai Taufusi.

E le’i avanoa se tasi o le ‘auva’a mo se fa’atalatalanoaga, peita’i o le afiafi o le aso Lua na te’a nei, sa fa’ailoa mai ai e le Pulega o Tagata Tafafao maimoa mai fafo, le STA, le auai ai o lenei ‘auva’a i Tu’uga Fautasi o le Teuila mo lenei tausaga.

O le tu’uga fautasi o le Teuila mo lenei tausaga, ole’a faia pei lava o le tu’uga fautasi lea sa faia ile Fa’amanatuina o le atoaga o le 50 tausaga o le Mālō Tuto’atasi o Samoa.
E 45 minute le taimi fa’atulagaina e tatau ai i fautasi uma ole’a tausiniō ona taunu’u ile tini, ma o le ‘auva’a ole’a le mafai ona ausia lea taimi fa’atulagaina, ole’a le fa’amanuiaina i fa’ailoga tupe.

O lenei tu’uga fautasi ole’a auai ai le sa mai le motu tele i Savai’i ile afio’aga o Salelologa, Le Tolotolo o Tama Uli.

O isi va’a ole’a tusiniō ile tu’uga e aofia ai le Tavaesina mai Salua Manono-tai, Telefoni o le Vainu’ū mai Faleū Manono-tai, Little Rina mai Apia, Fetuao mai Sasa’e mai Ti’avea, Maria Imakulata mai Taufusi, ma isi sa e lua o le Taupo Folau mai Le’auva’a ma le Lupe Uli mai Salelologa. O nei sa e lua, olo’o fua lo la auai ile tu’uga ile taimi e totogiina ai resitala.

O fa’ailoga la nei:

Fa’ailoga muamua- $40,000
Fa’ailoga lona lua - $30,000
Fa’ailoga lona tolu- $20,000
Fa’ailoga lona fa- $10,000
Fa’ailoga lona lima- $5,000
Consolation - $3,000.

Share

Please Register OR Login to comment.


Comment Policy: Please read our comment policy before making a comment. In short, please be respectful of others and do not engage in personal attacks. Otherwise we will revoke your comment privileges.