|
A Tagoa’i
E maliu le tagata i le kanesa.
O le fa’aaliga lea a se tama teine a se tina na maliu o ia i le gasegase o le kanesa o le susu, na fai atu i Ofisa o le Soifua Maloloina, i se a’oa’oga na faia e le Fa’alapotopotoga o le Kanesa i Samoa i le aso Faraile na se’i mavae atu.
Na fa’aalia e Maselina Chu Shing,fa’apea na tau le mafai ona manava o ia, i lona va’ai atu ua maliu lona tina o ia o Papali’i Ah Kuoi, mai le gasegase o le kanesa o le susu, i le tausaga talu ai.
“E tele ni a’u fesili e uiga i le tulaga na iai ma o’o iai lo’u tina,”o le fa’aaliga lea a Maselina i lenei a’oa’oga.
“E le’i tele ni fa’aletonu na faia pe na fa’aaoga e lona tina, e le’o ia o se tagata e ulaula tapa’a,e le inu ava malosi o ia, ma o ia o se tagata e manuia lava lona soifua maloloina.”
 Na ave e Maselina lona tina e faia ni su’esu’ega i le falema’i o le MedCen, ona na manatu o ia e umi se taimi e alu pe’a o i le falema’i tele o le atunu’u.
Peita’i e le’o se tulaga lea e uiga i le pagatia ai o lo’u tina. O su’esu’ega na faia na maua mai le tali i le fa masina mulimuliane i le aso 13 o Mati,o le aso lava lea na maliu ai le tama o Maselina o Luamanuvae To’omaga Niko Ah Kuoi i le 1996.
Na fa’aali mai e a’afia lo’u tina i le kanesa o le susu.
“E o’o mai i le taimi nei o lo’o faigata pea ona ou malamalama po’o lea le mea na tupu? “E umi tele se taimi na matou fa’atali ai? o Maselina lea.
O le susu taumatau o le tina o Maselina na ave’esea i le Falema’i o Tupua Tamasese Mea’ole i le aso 1 o Aperila.
“Sa taumafai lenei tina ina ia vave ona maua mai sa na fa’ai’uga, ona na fai mai foma’i o le vave ona ta’oto o le vave fo’i lea ona manuia ma filemu o ia.,” o lana fa’aaliga lea.
Ina ua mae’a le ta’otoga,na fai ia te ia e maua lona avanoa e malaga ai i atunu’u mamao mo togafitiga.
“Na matua le mautonu o ia i le tele o nei mau fa’atonuga, peita’i na i’u lava ina malaga o ia,” o Maselina lea.
O le tina o Maselina, na ave o ia i le Foma’i o fa’ata, ma e le’i aoga lea ia te ia.
Na maliu Papali’i i le gasegase o le kanesa o le susu i le aso 4 o Ianuari ua 61 ona tausaga.
“Ina ua tu’ua e le mato
u tina i matou, o matou mafaufau uma, ma tu’ua’ia ai lava i matou, ona pe na sa’o le mea na matou faia pe leai,” o Maselina lea.
Pe sa tatau ona ave lona tina i le chemotherapy masalo e ono fa’asaoina ai lona soifua, o le fesili lea a Maselina i se Ofisa o le Sooifua Maloloina.
Na fa’apea fo’i ona fesili Maselina pe fa’amata o le kanesa o le susu na maua ai lona tina o se alama’i o le aiga.
O le tagata muamua na ia mu’ai fa’aalia mai Maselina o ia lea o le fofoga o le aso, mai le Iunivesite Fa’afoma’i a le Oceania, o Tole’afoa Dr Viali Lameko.
Ma o ia na tali mai i fesili na tu’uina atu e Maselina e uiga i le fia iloa ai e ia pe fa’amata e ono a’afia ai o ia i lea gasegase pei ona a’afia ai lona tina.
“E tusa ma le 5% le avanoa e maua ai oe i le kanesa o le susu i tagata uma o lou auaiga e maua i le gasegase o le kanesa o le susu,” o lana fa’aaliga lea.
“O lea avanoa e fa’ateleina i luga pe’a to’atele lava tagata o lou aiga e maua ai i lea gasegase.”
Na fa’aalia e le Peresetene o le Fa’alapotopotoga o A’oa’oga fa’a Foma’i, o Leali’ifano Dr Iopu Tanielu, fa’apea e leai se iloa ato’atoa e iloa ai e aoga togafitiga i lenei gasegase.
O le fa’ata, e mafai ai ona iloa vaega o iai le kanesa, ma e le 100% ato’atoa le mautinoa ai le latou mafai ai ona pu’e lea tulaga.”
“Ae mo le chemotherapy,e tu’u le vaila’au i totonu o ou alatoto ma alu atu ai i vaega uma o lou tino.Ma e tele naunau se aoga o lenei masini i lou tino atoa, pei fo’i o le to’ulu ai o lou laulu.”
Na tele ni fautuaga na tu’uina atu e nisi o Foma’i mo le tama’ita’i o Maselina i lenei a’oa’oga na faia, ina ia faia ni su’esu’ega ia te ia fa’apea ai ma lana fanau teine e to’atolu i le kanesa o le susu po’o iai ni a’afiaga o i latou.
O lenei a’oa’oga mo le kanesa o le susu na fa’afoeina ma saunia e le Sosaiete o le Kanesa a Samoa (SCS) fa’apea ma le Matagaluega o le Soifua Maloloina.Na tele se aoga o lenei a’oa’oga,pei ona fa’aalia ai e le ali’i Peresetene o le Sosaiete, o Vaitinu Daryl Clarke.
“Na matua to’atele lava i latou na auai mai i lenei a’oa’oga o le Vaega o lo’o A’o’oga fa’a Foma’i, o Foma’i, Tama’ita’i Tausima’i, fa’apea ai ma le mamalu lautele o le atunu’u, o Vaitimu lea.
“E mamafa tele le talanoa mai a tagata e uiga i lenei gasegase o le kanesa, ma o lenei mataupu na mana’omia le talanoaina.E tele naunau se galuega e faia pe’a o’o i le tulaga o le kanesa, o le sitepu muamua o le fa’alauiloa atu lea i tagata lautele mo puipuiga. A mae’a lea tulaga, ona tatau lea ona logoina le vaega o Foma’i i le Matagaluega o le Soifua Maloloina, ina ia mafai ai ona faia galuega o le siakiina ma ia iloa e tagata le mea e tatau ona latou faia, o lana fa’aaliga lea. Back
|
