|
A. Tagoa’i
Na fa’amautu mai e le faletalimalo matagofie a le Sinalei Reef Resort,le tofia o nisi se to’alua o tagata faigaluega autu a’o sauni atu ai lenei faletalimalo i le toe tatalaina aloa’ia i le aso 1 o Aperila.
O le ali’i o Ernst Broer, mai Netherlands, o ia na avea muamua ma sifi Kuka o le Michelene Star, ua tofia nei o ia e avea ma sifi kuka. O lona to’alua, o Pim Udomdee, ua fa’amautu mai le avea o ia ma Pulesili o meataumafa fa’apea ma meainu.
O le maualuga ai o tomai o lenei to’alua i nei ituaiga o galuega ua avea lea ma fa’afiafiaga tele i le Pulega a le faletalimalo o le Sinalei Reef Resort. i le suia ai o le aga’i i luma o le tulaga o meataumafa i totonu o lenei faletalimalo, fa’apea ai ma nisi o suiga i le mea tau i meainu i lana Bar.
 Ae le gata i lea o le’a maua ai fo’i ma le avanoa e a’oa’oina ai le aufaigaluega ma tagata Samoa o le’a faigaluega ai i lea faletalimalo,”o le fa’aaliga lea a le tama’ita’i Pule o lenei faletalimalo o Sose Annandale.
“O lenei ulugali’i o le’a la va’aia le vaega o le Matagaluega o meataumafa ma mea inu i Bar uma e lua fa’apea ai ma falea’iga.”
O le tofia ai o nei tagata e to’alua maualuluga fa’ailoga ma tomai, ua maualuga ai le tautua a le faletalimalo pei ona sa sau a’i ina ia maualuga pea lana auaunaga aua malo fai mai fa’apea ai ma le mamalu o le atunu’u lautele e mafai ona fa’atasi mai i malologa ma tafaoga i so’o se taimi.”
O lenei ulugali’i o Broer, na galulue muamua i la’ua i se faletalimalo ta’uta’ua i totonu o Fiti o le Laucala Resort.
E ese mai ai i lea faletalimalo na galulue muamua i la’ua i le nofoaga o le 5 Star i Korea i Matu, Bali fa’apea ma Thailand.
Na fa’aalia e Sose, ua sauni i latou mo le tatalaina o le Sinalei i le aso 1 o Aperila.
“Na matou lagona uma le fa’anoanoa ma le mafatia i le taimi na fa’aleagaina ai mea uma i galulolo i le as
o 29 o Setema 2009, e le gata o le Sinalei, ae fa’apea fo’i i le tele o isi faletalimalo i luga o le talafatai i Saute i Sasa’e o le Motu,” o lana fa’aaliga lea.
E ui o nei mau lu’itau na feagai ma i tatou, ae maise o lenei fo’i tausaga fou ua amatalia,e fia fa’afetaia e le Sinalei i latou uma mai atunu’u i fafo fa’apea ma Samoa nei i le latou taimi na fa’aaluina fa’apea le latou fesoasoani i le taumafai ai o le toe fausia mai o lenei faletalimalo mai le amataga se’ia o’o mai i lona fa’ai’ui’uga, fa’afetai lava le alolofa.
O lenei lava ua taumafai le Sinalei pei ona folafola ai i lana aufaigaluega, o a na uo fa’apea ma malo na asiasi mai muamua i lenei faletalimalo, fa’apea o le’a toe taumafai le Sinalei i le vave ma le mafai ai ona toe fausia le Sinalei i le lelei pei ona iai muamua ina ia mafai ona auai fa’atasi mai tagata uma e fiafia ai,” o lana fa’aaliga lea.
O se tasi o folafolaga a le Pulega o le Sinalei, o le iai lea o se sauniga fa’apitoa i le fa’ai’uga o le vaiaso e fa’ailoga ai le toe tatalaina o lenei faletalimalo, i se totogi ua tu’ufa’atasi fa’atapula’a mo uo ma aiga i le fa’ai’uga o vaiaso i se tau fa’apitoa i le vaitaimi o le aso fa’apitoa o Valentine, i le aso 14 o Fepuari,ma maua ai e outou se fiafiaga sili ae maise o se mafutaga fiafia i lea aso.
“O le’a fa’apea fo’i ona maua ai se avanoa e fa’ata’ita’i ai i le menu fou a le ali’i o Ernst,”o le fa’aaliga lea a le tama’ita’i o Annandale.”O lenei fa’apitoa e fa’aaoga mo fa’ai’uga o vaiaso mai ia Fepuari 12 e o’o atu ia Mati 28, ma e le tatau ona e misia lea avanoa.
E fa’aopopo iai ma le fa’ai’uga o le vaiaso lenei, aso Sa a so 7 o Fepuari,o le’a tatalaina ai le auaunaga o kuka ese’ese aua le laualo ai ma le aiga ae maise o uo mamae i kuka ese’ese fa’apitoa a Ernst, ae maise o meainu ese’ese i se tau fa’apitoa mo Happy Hour.I le fa’afiafia ai o lenei aso ua fa’afetaia ai e le Sinalei le toe o’o mai o Peta Siulepa lea e le iloa e le to’atele o tagata ta musika lea o le’a fa’atasi ma Jennifer (Jaff) ma Nanise latou te fa’afiafiaina lea aso ina ia maua ai se aso matagofie ma maua ai se malologa lelei.
E le tau faia ni talosaga mo ni potu po’o ni laulau e taofi. E mafai ona faia taofiga po’o ni fa’afesili i luga o le Buffet o le aso Sa a le Sinalei, o fa’ai’uga o vaiaso ta’itasi i taumafataga o le aoauli po’o le aso fa’apitoa o Valentine fa’amolemole fa’afeso’ota’i mai Kim Luisa po’o Margaret i le 25191.” Back
|
