|
To’ilalo Niu Sila ia Samoa |
|
A. Tagoa’i
E ui ina faia’ina Samoa i su’ega siamupini i ta’aloga i le po o le aso Faraile na te’a nei ma le ‘au a Fiti, lea na malolo ai le ‘au a le atunu’u i le 14--19,ae na maualuga pea le tulaga o le taumafai na ausia e alo ma fanau a le atunu’u, i le ta’amilosaga o le ta’i to’a fitu a Uelegitone, lea e ao ai pea ona ave le fa’afetai ma le fa’amalo i le ali’i Faia’oga o Stephen Betham, o Ofisa ma le ‘au atoa a le Manu Samoa.
>Na malo Fiti i le siamupini o le ta’i to’a fitu a Uelegitone, i le la su’ega siamupini ma Samoa i se ta’aloga mata’ina ma le faigata, e iai lava le talitonuga o le to’atele o le atunu’u, fa’apea o le avanoa lava o i tatou e malo mamao ai, ae soia ia, o nai mea sese laiti lava na le taunu’u ai lea fa’amoemoe maualuga.
O le tulaga i le fa’agasologa maia o tatou ta’aloga i le tatou pulu, na maoa’e lava le tatou ‘au.
E malo mamao i tatou peita’i o le pa’u ai o le pasiga na avea lea ma tulaga na pagatia ai i latou i nai sekone mulimuli o le ta’aloga.
O le isi tulaga o le faigata ai o le tatou ‘au o ta’aloga e lua lea na fa’ate’a ma le ta’alo ai le Kapeteni o le tatou ‘au o Lolo Lui.na muamua tau a’i Fiti i afa uma e lua o le ta’aloga. Back
|
