Mata’ina Fa’afiafiaga Tupulaga Talavou E.F.K.S. Fagali’i

Tusia Ilia L Likou ,

106 Hits

Sui o le autalavou E.F.K.S., Fagali’i.

Sui o le autalavou E.F.K.S., Fagali’i.

O le Aso Faraile na se’i mavae atu nei na fa’atasia ai tupulaga talavou a le Ekalesia Fa’apotopotoga Kerisiano i Samoa i Fagali’i.

O lenei fa’atasiga o se fiafiaga tele lea i le to’atele o tupulaga talavou o le afio’aga na mafai ona fa’atasi ai i lea afiafi.

O le Susuga i le Fa’afeagaiga i a Petaia Leavai ma Tineiafi o lo’o galulue i le Ekalesia Fa’apotopotoga Kerisiano i Fagali’i.

O le masina o Setema o le tausaga lenei na vala’auina ai i la’ua e galulue i le E.F.K.S., Fagali’i.

E fa vaega na vaevaeina ai tupulaga talavaou  a le ekalesia lea e aofia ai, Mata’alulua, Vai-o-Tausala, Papa Soifua ma le Papa-i-Galagala.

Na saunia e vaega uma e fai le tele o  fa’afiafiaga i vaega ese’ese e pei ona i ai le Maulu’ulu, Sasa, Taleni, Siva Fa’a-onaponei ma Fa’a-Evagelia.

Fa’afiafiaga mai le Vaiotausala.
Fa’afiafiaga mai le Vaiotausala.
Nisi o sui o le Vaiotausala.
Nisi o sui o le Vaiotausala.
Nisi o sui o le Vaiotausala.
Nisi o sui o le Vaiotausala.
Vaega a le Mata’atulua.
Vaega a le Mata’atulua.
Seumanutafa Samuelu, Iene Fa’aliga ma le Susuga Fa’afeagaiga Petaia Le’avai.
Seumanutafa Samuelu, Iene Fa’aliga ma le Susuga Fa’afeagaiga Petaia Le’avai.
Sui Vaega Ma’atulua.
Sui Vaega Ma’atulua.

O le finagle maualuga  i le Susuga i le Fa’afeagaiga i a Petaia, o nisi nei o vaega taua i totonu o le li’o o le fa’apotopotoga o tupulaga talavou e atia’e ai lo latou ola tuputupua’e.

O lea lava le tafatolu e ave i ai le silasila a le Ekalesia Aoao e mo tupulaga ia ‘Ola lea mo Keriso’

O le agaga maualuga i le Fa’afeagaiga i a Petaia, ia mafai ona  fa’amaopopo fa’atasi Tupulaga Talavou aua le aga’i ai le lumana’i.

O le taumafai lava lea e tasi o lo’o ua tata’ina ai pea lo latou ola, ina ia mafai ona tapena fa’aletino i taimi ma aso uma, ae sili ai le tapeina i le ola fa’ale-Agaga.

Ae i lea afiafi, na mata’ina fa’afiafiaga na tu’ufatasia e vaega ta’itasi lea na maofo ai e na mafai ona mollmauina i le matagofie ai o ona vaega uma i fa’atinoga na mafai ona tu’ufa’atasia e tupulaga talavou o le ekalesia.

Na avea ai fo’i ma le avanoa e molimoli mai ai ma alofa’aga a le Ekalesia Fa’apotopotoga Kerisiano i Fagalii, Le Susuga i le Fa’afeagaiga Petaia Leavai ma le falatua i a Tineiafi i a Samoa atoa ina ia maua fa’atasi se Kirisimasi Fiafia ma se Tausaga Fou Manuia.

© Samoa Observer 2016

Developed by Samoa Observer in Apia