Mata’utia suiga o nei aso

By Sarafina Sanerivi 31 December 2016, 12:00AM

O le tele o taimi o lenei olaga e fesouaina lava i fa’afitauli, o aso ua lelei ia o aso fo’i ua leaga.

O le tele ai o suiga o lo’o ua i ai nei le atunu’u pe a fa’atusatusa I aso ua alu o se tasi lenei o itu ua misia e le tina i a Masele Ta’avaomuaaii, 62 le matua o le soifua o Falepauna.

I le fa’atalatalanoaga ai ma le Fofoga o Samoa i le aso ananafi o le tele o suiga o lo’o ua I ai nei ua tele ai le a’afiaga I tagata aemaise o le tau o le soifuaga ma le mau fa’ama’I o lo’o ua lolofi mai.

 “Ia ua tele lava le tulaga ua le toe tutusa ma aso ua alu.” O lana saunoaga lea i le Fofoga o Samoa.

 “Ia e pei lava ona ou ta’ua muamua ia ua tele lava suiga e o’o lava i mea’ai, ia ma e matua’I misia lava aso ua mavae, na o’u ola ane fo’I a’u ia ua fiafia lava I lea tulaga.

 “Ia o le tele o ia suiga o lo’o ua iloa lelei i le taugata ai o le tau o le soifuaga o lo’o ua i ai nei.

Na ia fa’ailoa o le tele o le mau fa’ama’i ua lolofi mai ua avea lava lea ma le tele o le mau fa’afitauli o lo’o ua feagai nei ma le atunu’u.

 “Ia o lea lava le tele o vaega o lo’o ua tatou i ai nei, ma ose fiafiaga tele lea mo a’u lava ia ina ia mafai lea ona maua fa’atasi e le atunu’u so’o se vaega aua lava le aga’i i luma e ui ina ua tele suiga o lo’o ua tatou maitauina nei.

 “Ia o le tele lava o vaega ua mama’i ai si o tatou atunu’u ia o le leiloa lava tausi lelei le ola ma le soifua maloloina.

 “Ua leai se mafaufau lelei fo’i lea i le ituaiga o mea’ai e tatau ona taumafa ai, ia pe maua ai se fa’ama’i pe leai fo’i.

 “E pei o nisi nei o vaega ua misia ai lava aso ua mavae ona o le faigofie ma e le tele lava ni fa’ama’i.

 “Ia ua tele ina tausasami le to’atele i mea’ai mai faleoloa, ia ma o le tala sa’o ma le fa’amaoni ia o tatou lava.

 “Ua le tau le galulue fo’I nai o tatou tagata, ua na’o le ‘a’ai ma ta’oto’oto lava le mea lea ua fai.

By Sarafina Sanerivi 31 December 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>