Fa’alelei a matou auala

Tusia Ioana Tupa'i ,

57 Hits

Tala Merita o Falelauniu.

Tala Merita o Falelauniu.

O le lelei atoatoa o le itu tau le femalagaiga o se tasi lea o auala e pito sili ona taua ma fesoasoani tele i so’o se atina’e.

E pei ona faailoa e se tasi mai le Afioaga o Falelauniu le susuga ia Tala Merita.

E maua atu e le Fofoga Samoa lea taule’ale’a o loo I luma o le latou fale I le aso ananafi.

Sa taua ai e Tala Merita, “ o loo sologa lelei mea uma lava I le latou afioaga sei vagana ai le faaletonu o auala.

“ O le tulaga faaletonu lava I le matou nuu o le tulaga I auala ae ua tele na o matou talosagaina le toe faaleleia ai o nei auala peitai e lei maua mai lava se tali.”

“ Ua avea lea ma se faafitauli e le gata mo ia ae mo le lautele.”

“ O le pefu o loo sau i le auala e afaina ai le soifua maloloina aua o loo maitauina foi le leai o se alu lemu ai o nisi o taavale oloo uia le auala.”

“ O le faaletonu ai o auala o le a le a faaleagaina ai foi a matou taavale ma o le a tele foi se tupe e faaaluina I le toe faaleleia o vaega o taavale ua faaleagaina.”

Sa faailoa foi Tala Merita I le Village Voice o loo sailia I le taimi nei sana galuega aua le tausiga o lona aiga.

“ Soo se galuega lava o loo tagatagai iai I le taimi nei o loo fia maua ina ia fesoasoani lea I le tausiga o si ou aiga aemaise si ou atalii.”

Ma ua le toe tutusa lava lenei vaitau o le soifuaga.

© Samoa Observer 2016

Developed by Samoa Observer in Apia