Ua faigata tele le soifuaga i totonu o nuu

By Sarafina Sanerivi 31 August 2016, 12:00AM

O Fa’afeú Neemia, e 31-tausaga lona matua mai le nuu o Lotofagā Safata. 

O ia o le tane a Alisa Neemia ma e to’alima le la fanau. Latou te nonofo i totonu o se fale laititi i Lotofagā, lea ua leva ona latou nonofo ai mo le fa tausaga e o’o mai i le taimi nei. 

. Ma mo le tolu tausaga, ua leva ona latou nonofo i lea nofoaga e aunoa ma se avanoa i le eletise.

I le faagasologa o se talanoaga ma le Samoa Observer i lona aiga, sa ta’utino e Faafeu-ua matua faigata le soifuaga mo i latou. 

 “O loo matou feagai ma le anoano o faafitauli i totonu o matou aiga,” o lana faaaliaga lea. 

.O le faasalaga masani o tamaiti a’oga  e fai e faia’oga i totonu o a’oga o se tasi lea o faafitauli. “O se tasi o mataupu o loo matou feagai pea i tua i totonu o le nuu o le faafitauli lea tau faia’oga,” o lana faaaliga lea. 

 “O le to’atele o i tatou e le fiafia i faia’oga i tua nei. O se tasi o o’u atalii ua faalogo i ni faafitauli ona o se tasi o faia’oga-na ia matua po lava lava lo’u atalii i le faagasologa o le vasega. 

Fai mai Faafeū, e le o manatu mamā i le mea na tupu i lona atalii. “Ae ou te faafetai i le Atua mo le tuuina mai ia te a’u o le mafaufau tonu e fai ai le faaiuga sa’o. Ma o le uiga o lena mea-o le tuuina atu lea ia te ia (faia’oga) o le isi avanoa e tasi. Talu ai –o le tiga o le mafaufau o le faia’oga e afua mai le taumafai e a’oa’o tamaiti a’oga-e le tutusa lea ma le tiga o i tatou matua-pe a tupu mai mea faapenei.

Ona pau lava o le mea e tatau ona fai o le tatalo lea i le Atua ina ia tatou maua le mafaufau tonu e fai ai filifiliga tonu mo tatou aiga. E mafua ona i lenei olaga, e i ai tagata e le mafai ona pulea lo latou ita i taimi uma ma a tula’i mai mea faapenei, ona latou feosofi sa’o lava lea i le faaiuga ma faatupu le tele o faalavelave. 

 “O le to’atele o faia’oga i tua ne ii totonu o le nuu o loo tautau mai se fasi filo. O le vaega to’atele o i latou ua toe tasi lava le avanoa i totonu o a’oga.

 “Mo le mataupu a lo’u atalii, ua ‘ou tuuina atu ia te ia (faia’oga) se lapata’iga,” o lana faaaliga lea. “ua matou tuuina atu ia te ia se avanoa e tasi, talu ai ona e aiga o ia ma lo’u to’alua.

Ae o lena tulaga e le mafai ona taofia ai a’u mai le fai o le mea sa’o. Afai na te toe faia, o le a ‘ou alu loa i le Matagaluega o A’oga e lipoti i ai o ia poo lo’u alu sa’o lava i Leoleo. E mafua ona o lenei mea-e le o le taimi muamua lea ua na faia se mea faapenei i se tamaitiiti a’oga.”

Sa faaauau pea le talanoaga a Faafeu ma fai mai o se tasi o faafitauli o loo latou feagai i totonu o nuu-o le faiga lea ua fai e aiga lautele ia i latou.  “O le mea lea o loo tupu i totonu o aiga ma o loo tupu foi i totonu o lo matou aiga,” o lana faaaliga lea.

 “O Tagata, e o’o lava i tagata o matou aiga o loo taumafai lava i taimi uma e toso i matou i lalo i taimi uma lava latou te vaaia ai ua matou maua se mea lelei.  “Latou te taumafai i taimi uma e faaleaga soo se mea matou te faia e soloia ai matou i lalo.

O le isi mea, tusa lava pe o se mataupu itiiti, e masani lava ona faatele e tagata ma o taimi uma lava e fai se “to’ana’i a lo matou aiga ma le aiga lautele-latou te lagā i luma o le aiga atoa ona matou taunuu ai lea i faafitauli.

 “Ma e le na o i matou se aiga o loo uia faafitauli faapenei, o loo tupu foi i isi aiaga. O le mea lea-a fai a matou to’ana’i, e otegia i matou e le ‘au-matutua o le aiga ma fai i matou e pei o ni pagota.”  “Latou te otegia ma fetu’u i matou ma lau mai le anoano o mea ia i matou ma taumafai foi e kiki ese matou mai le aiga. O le mea lena o loo tupu i le taimi nei.”

Ma e ui lava ina ua leva ona latou nonofo e aunoa ma se eletise mo le fa tausaga, ae talitonu lava Faafeu-e leai se mativa i totonu o Samoa.

“I le taimi nei, e leai se matou avanoa i le eletise,” o lana faaaliga lea. Ae peita’i-ou te le manatu o loo i ai se mativa i totonu o Samoa. E anoano tupe iinei i totonu o Samoa. O loo ia te oe le pogai ua e mativa ai. Afai e te le faigaluega, e i’u lava ina e mativa.”

O le faatoaga a Faafeu o le punavai lea o tupemaua mo lona aiga.

By Sarafina Sanerivi 31 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>