Manatu o le Fa'atonu - E sili atu i lo le na o le matagofie

Tusia Marj Moore ma Faaliliu e Maiava ,

142 Hits

Ua o’o i le taimi o le Teuila Festival ma o lona uiga-o le Tauvaga o le Tausala a Samoa i tausaga uma.

O le Tauvaga o le Tausala o Samoa –o se taimi lea e filifili ai le tausala e sili ona lelei ia te oe, ma finau poo ai lava “e ono filifilia” ma afai tatou te faamaoni, ma silasila toto’a i soo se tulaga itiiti e le o lelei o sui tauva pe a faasalalau i le Televise ma isi lava sauniga tau nusipepa a’o aga atu mo le po tele lava ia.

O Tausala tauva, e pei ona masani ona tusia i ulutala, e manino mai –o se mea ua leva o maupu’epu’e, e sili atu ona matutua e tusa ai ma le mea moni.

O loo ta’ua e faapea ua loa ona i ai i latou ia talu Eleni Anamua lea na amata faatasi ma le Faaiuga a Pale. O se talatuu lenei e uiga i le atua fafine o Hera, Aphrodite ma Athena-ia sa tauva poo ai e sili ona ‘aulelei. 

Ma o lea na latou faaauau ai pea i le faagasologa o tausaga faatasi ai ma le eseese o tulaga faamanuiaina e mapuna mai mea uma mai lagona o le fiafia i le faa’amu’amu ma le tau faaleaga, ae faalagolago lava ma lou manatu.

I totonu o le Iunaite Setete o Amerika, e i ai lava vaaiga tau faafefe i faasalalauga a televise e faaalia ai teineiti laiti o faata’ita’i i tamaitai matutua e aofia ai le faiga o latou gofa , la’ei, ma amio a tagata matutua, gaoioiga ma amio  ua i ai faatasi ma faiga mataga a tina tau faaoso. 

I Samoa nei, ua sili atu lo tatou tulaga magafagafa ma siitia le silasila e sili ona lelei poo le a le mea o loo sili ona matagofie i totonu o se tamaitai. O le mea moni, o la tatou tauvaga o loo noatia i le Teuila Fesitval i tausaga uma lea e faamanatu ai la tatou aganuu ma aga masani, e faailoa mai ai e faapea o lenei tauvaga e le mafai ona avea ma nofoaga e te vaaia ai ni ofu ta’ele laiti, ta’otoga faa-fomai ma ni tagata faafoliga.

”O loo tumau pea ona i ai se tulaga fiafia o le manatunatu poo ai o le a manumalo, o la’ei mananaia, o ofu uiga ese, o faafiafiaga, ma e pei ona faailoa atu i totonu o le tatou “Talanoaga i le Ala” lea o loo faaalia ai John A’ana,” O le itu e sili ona taua e faapea o nei tagata tauva mai atunuu mamao o loo i ai le avanoa e matua aoaoina ai se mea e uiga i lo tatou atunuu.”

O le Aganuu ma aga masani e matua telē lona sao i le sauniga atoa. I le tasi itu, fai mai Young Sani-“O lea foi sauniga e faasino i le tatou aganuu, ae i le faaiuga, ou te faajpea atu-e sili ona faasino i faafiafiaga i lo le matua lagolagoina o le aganuu a Samoa i se faiga e matua aloa’ia.” 

E matua sa’o lelei ia alii e to’alua. O le mea e masani ona le faaalia i lea sauniga-o auiliiliga e alu ai le taimi, o faata’ita’iga ma le galuega fuafua lea e o faatasi i tua ane o vaaiga-e tuufaatasi ai lenei po.  

E faapea foi i latou o tuu-faatasia le sauniga, aiga, i latou e lagolagoina ma paaga-o loo i ai ma i latou e tapenina ia ofu, teuiina lauao, o e faia masini pu’e leo, teu fugalaau, leo ma molī, faamasino, i latou e faia ofu, fai musika, i latou e gafa ma le faalauiloa atu ae le galo ai outou le ‘au-maimoa faapea foi ma tausaga tauva.. 

O nei tagata uma o loo tuuina mai o latou tomai ta’ito’atasi ma taleni e fai ai lea po ma po e manatua pea. O le mea lea-pe o le a e alu e aumai ni pepa i lea sauniga poo le matamata i lea faaaliga i luga o le televise mai le mapu lelei i totonu o lou potu malolo, e leai se mea o i ai.

Atonu o upu faai’u lava e tatau ona aumai se tasi, o le Tausaga o Samoa i le taimi nei o Ariana Taufao, lea ua mae’a lona taimi, manumalo ma o lea ua toe o se aga ina ia tauaao atu lea i se tasi o le a suitulaga ia te ia. 

E le mafai lava ona e matua silafia lelei se tulaga e o’o i ai se’ia vagana ai ua e uia. Ua na o se mea lava e faasino i el talia. E leai se tasi e sau i totonu o lenei tulaga ma le iloa lelei o mea uma. E sili atu ona peiseai, o le ‘sau i totonu ma aoaoina ai, ma o le mea taua lea.”

© Samoa Observer 2016

Developed by Samoa Observer in Apia