TUSI AITALAFU

1547 Hits

author picture

Neueli Mauafu

Ou te tusi lenei tusi

Ma le loto ma le agaga maulalo

Sei faaoo atu le tagi a lenei auauna

Ina nei mou atu pe galo

 

Lau Susuga i le Puleaoga

 

E le patino lo'u tala i se tagata toatasi

Ae o Pule Kolisi uma

Na ou ui mai ai

Ma faapea ona ou aoga ai i ia taimi

Ou te iloa o a'u o se tamaititi faigata

Ona o uiga

Amioga ma ni aga paaa

Sa tou naunau lava ina ia ou faaeaina

Ae peitai, i le tele o taimi,

Ua vaaia soo au i tou ofisa

 

O lea ia alofa, 

O aitalafu ma sese a lenei auauna

Atonu a iai se aso, se taimi

Ua alu ese mai na faamaumauga

 

Lau Susuga ile Faiaoga Matematika (Numera)

Si ou alofa Talofa!

Ai o e manuia

Ae o loo fia faaali i lou susuga sou lagona

Ina ia avatu i lau susuga pe talia

O Lena e te iloa 

Ma e silafia lelei lo'u nei tagata

Ou te naunau lava i le Matematika

Ae paga, ua tumu ile valea ma le aifafasa

Maua mai suega

Ou te iloa ua e ita ma e le fiafia

E fai o le le pasi 

Ae o le tele foi o avanoa e leai ni togi

 

O lea ia alofa, 

O le vaivai ma le augata e su'esu'e a lenei auauna

Atonu a iai se aso, se taimi

Ua alu ese mai na faamaumauga

 

Tou Susuga i Alii ma Tamaitai fomai Samoa

 

Se ua Malie mata i le vaai!

La outou tautua ma le auaunaga

Ua ou ola ai nei ma oo mai Niu Sila

Ua pupula ai o'u mata

Tiga le faigata, 

Ma le Leai o ni meafaigaluega

Sa outou tausi pea ia the au

Ma si ou Tina loto vaivai o Malelega

Poo lea lou faasuaki sei tulou

Ma lo'u faatigaina ia te outou

Sa outou onosai

 

Ma tou tautua ma le punou

O lea ia alofa, 

A faapea ua sasi lenei auauna

Atonu a iai se aso, se taimi

Ua alu ese mai na faamaumauga

 

Mo O'u Matua Peleina

 

18 Tausaga ua lua tausia au

Fafaga, aoai ma sasa

O upu ma tima'iga

Ia ou teu malu i lo'u nei tagata

O aso ua lelei,

Ua tatou fiafia ma ata

O aso foi ua pogisa ma faigata

Ua le toe fia taua ai a'u o se lua tama

Ae sa lua onosai i o'u amioga

Ma lua tatalo pea i le po ma le ao

Le fili ma le tiapolo, ia alu ese mamao

 

Tina, Tama

 

Ua tele lo'u aitalafu ia oulua

O lo'u le usitai, ma lo'u faalogogata

Ua tauvalea ai oulua ma le lua tautua

E uma upu ma lagona

E uma foi mafaufauga

E faamatala ai le lua alofa ma le lua agalelei

Ia te a'u le lua tama

O lea ia alofa, 

O aitalafu,

Faalogogata

Le usitai

Fia faalii

Paie 

O le gutu oso

Le toaga ile aoga

ma isi sese a lenei auauna

Atonu a iai se aso, se taimi

Ua kilia ese na faamaumauga

 

Ua ou misia oulua

 

Sainia

N.A.M

© Samoa Observer 2016

Developed by Samoa Observer in Apia