Feliua’i e se Loia le faagasologa

Tusia Pai Mulitalo Ale ma Faaliliu e Seagaitumua Tupuola ,

197 Hits

ALII O LE TULAFONO : Shane Tuilagi o Pesega ma Fatausi.

ALII O LE TULAFONO : Shane Tuilagi o Pesega ma Fatausi.

O Shane Tuilagi o se tagata e le laumaua. O se alii loia e tusa ai ma lana galuega-sa aoaoina ma faau’u mai le Iunivesite o le Pasefika i Saute (U.S.P.) campsua i Vanuatu, ua ese le ala ua na filifilia i lo le ala o loo uia e le toatele o ana paaga tau aoaoga. 

 “Ou te talitonu o lo’u poto ma le aoaoina o le a sili ona aoga- e ese ai mai le putu Faamasino,” o lana faaaliga lea i le Sunday Samoa. “Ae ui o lea, ou te le fia nofonofo i totonu o se ofisa i le aso atoa.”

Ona ua tonu lea manatu i lona mafaufau –o lea na auai ai i le polokalame a le Ofisa o Leoleo mo Leoleo fou. Ina ua mavae ni nai vaiaso tau aoaoga ma le mamafa o galuega, o lea na tulai mai ai Tuilagi e avea ma alii a’oga numera tasi ina ua faau’u leoleo fou i le Aso Faraile.

Na faafetaia e le Palemia o Tuilaepa Sailele Malielegaoi Mr. Tuilagi ma ana paaga (silasila i le tala i le itulau 16).. O Shane o le alo o Tuilagi Siaosi ma Kolini Tuilagi o Pesega ma Fatausi Savaii. Na a’oga o ia i le Church College i Pesega a’o lei agai atu e auai i le tausaga faavae i le Iunivesite Aoao o Samoa i le 2011. O iina na maua ai lana sikolasipi e a’oga ai i le Vanuatu Law School. Na faau’u o ia i le 2015. Fai mai Mr. Tuilagi o le avea ma loia o se mea sa manao i ai lona tina ia te ia i taimi uma e alu e fai ma na ia faia lava. Ae ese ai le mana’o o lona tama. “O le mea lenei sa mana’o lo’u tama ou te alu e fai,” o le faaaliga lea a lea alii e 24 tausaga le matua e uiga i le avea ma Alii Leoleo. Atonu ua fiafia o ia i la’u filifiliga ua fai i le taimi nei.” Fai mai Mr. Tuilagi sa leai ni ona manatu e uiga i le auai i le Vaega o Leoleo talu ai sa mana’o e fia iloa nisi mea e uiga i tulafono a Samoa. 

 “O le a sili ona aoga mo a’u,” o lana faaaliga lea. E o’o ane i le taimi o le a faaaoga ai lo’i tikeri faa-Loia, ae ua lava lo’u poto masani ona o le auai i totonu o le vevela o le amiotonu ma le galuega tau leoleo i totonu o Samoa. “ E le o loia uma ua i ai lea poto masani, ae o se amataga lelei lenei mo a’u.”

Na toe ta’ua e Tuilagi e faapea o ona matua na una’ia o ia e avea ma Alii Leoleo, o se tasi o uso o lona tamā sa avea muamau ma Komesina Fesoasoani o Leoleo-ma e mana’o na te toe faaauauina le galuega na ia faia. Ina ua fesiligia ana fuafuaga mo le lumana’i, fai mai Mr. Tuilagi e fia ‘a’e i le apefa’i le Ofisa o Leoleo. Fai mai a ia e anoano avanoa iina ma e fia galue ai ma faagasolo i luga lona tulaga. E matua fiafia tele i fesootaiga i le va o Leoleo a Samoa ma le Australia Federal Police ma Malo Aufaatasi e tusa ai ma le tausiga o savali o le filemu. 

Fai mai a ia o ituaiga ia o avanoa e fia sailiili i ai.

 “Ua ou fiafia lava e avea ma alii Leoleo,” o lana faaaliga lea. “E leai se aoga mo a’u ou te faanatinati ai e avea ma loia aua o la’u paaga o le loia foi.”

 “Ou te loto ia avea a’u ma le isi Egon Keil i le lumana’i.”

© Samoa Observer 2016

Developed by Samoa Observer in Apia