Atina’eina o aiga

Tusia Aruna Lolani ma Fetalai Tuilulu’u ,

94 Hits

 LOTO FIAFIA: Ionatana Gali mai Toamua Uta.

LOTO FIAFIA: Ionatana Gali mai Toamua Uta.

O le olaga nei, ae le aunoa ma fa’afitauli e le mafia ona tatou iloa le lelei ma le leaga, e uma foi foi le aso e sologalelei lava mea uma. 

O lea le manatu o Ionatana Gali o Tuamua Uta ma Falefa. 

O le tamā e 43 tausaga le matua le soifua, ma ua atoa nei le tausaga talu ona nofoia si o latou fanua. 

“O lo’o lelei lava mea uma, e o’o foi le matou omai i nei, e pei e ave ese atu se avega mamafa." 

“Ou te le fa’apea atu ona o se isi itu, e manaia foi le olaga i Falefa peitai e fai lava sina mamao laititi atu ma to’atele foi matou o lo’o nonofo ai." 

“O si o’u to’alua e sau mai tua Falefa, sa matou nonofo muamua ai foi, ae o le fanau nei o le uso o si o’u tina e onaina, ia lea ua matou omai ai nei e galuega ma ola ai." 

Sa fesiligia le tamaāi tulaga tau le paipa ma le eletise. 

“Ia mo le silafia, o matou nei e lei tosoina se eletise, e leai foi se vai." 

“Pei na fai atu le taimi ua sola, e lei leva na matou omai i nei." 

“Ia ua uma ona talosagaina le vai, e o’o foi le tulaga tau eletise, ua uma foi ona totogi uma ia vaega e toe lava o le omai o ofisa e toso mai." 

“Atonu se taimi o lenei aso e tosoina mai ai, ia ma maua ai loa le paipa ma le eletise." 

“Ia tusa ai foi le tausiga o le aiga, o lo’o lelei lava mea uma." 

“O a’u nei le e faigaluega, ia  o le alagatupe foi lea, ae a manava mai foi e le tu'ua lava galuega fai e pei o le faia le saka ma le totoina o nai talo ma fa’i aua foi se isi tupe fa’asili." 

“E mo'i lava o le galuega o le tupe matu ae e galuega lava mo se tupe fa’asili."

“I le tulaga pei na matou nonofo ai Falefa e fai lava sina tele le eseesega ma i nei." 

“O tua mo le silafia e to’atele si o matou aiga, e toetiti lava matou nonofo ma aiga potopoto, ia o nisi lava o taimi e fiu taumafai atu ai le aiga ae a isi lava e toso i lalo." 

“E maua foi le manatu e le tasi le loto, ia ae o le omai ai nei, o lo’o lelei mea uma, filemu lava, e pule lava ita i atina’e e fai."  

© Samoa Observer 2016

Developed by Samoa Observer in Apia