Fia maua se fesoasoani tau tane vai ma le nofoa fa’ata’avalevale

Tusia Aruna Lolani ma Fetalai Tuilulu’u ,

91 Hits

MANA'OMIA LAU FESOASOANI: Tuifeai Sauso’o o Salelesi.

MANA'OMIA LAU FESOASOANI: Tuifeai Sauso’o o Salelesi.

O tatou o tagata soifua uma lava ma tatou te mana’omia foi le fesoasoani.

 O lea le manatu o Tuifeai Sauso’o o Salelesi ma Iva i le la fa’atalatalanoaga ma le Fofoga o Samoa.  

O le tele o taimi e leai ai se matou vai e maua. O le manatu fa’aalia lea o Tuifeai.

“E pei o se mea lena o lo’o mana’omia i lenei itu. E fia maua se matou tane vai ina ia fa'afaigofie ai fo’i le maua o se matou vai ma mafai foi ona sefe ai a matou vai,”

 “E leaga foi aua ole tele o taimi e le timu."

“E le faigofie se soifuaga pe'a leai se vai e maua. Talu na matou omai i lenei itu le vaitaimi ole sunami, ole fa’afitauli a lea matou te mafatia ai." 

 Sa fa’apea mai foi le tamā e tua lava latou mo meaai mai le sami.  

“O le taimi nei matou te le mafaia se tau o se tane vai aua o matou tupe maua e o uma i mea e manaomia e le matou aiga."

 E ui lava i lenei tulaga faigata, e le’i fa’avaivai lava Tuifeai i lona olaga i totonu ole nu’u." 

“O le vai a le mea o lo’o matou mana’omia ae o lo’o lelei pea lo matou olaga ma soifuaga i le matou nu’u. "

“O le isi vaega o lo’o mana’omia tele o se nofo fa’ata’avalevale mo le tamā." 

“Mo le silafia, o le tama nei ua 70 tausaga le matua le soifua, ia e faigata lava ona matou tausi ia te ia ona o le leai o se uila e feavea’i ai."

“O le ala foi lea ole leai se tasi o matou e faigaluega ma si o’u to’alua ona o le tausiga o le tamā." 

“E le mafai ona tu’ulafoa’i ona ua matua ma ua faigata lava na va’ai." 

“O le galuega lava lea e fai i aso uma o le fesi’itai solo mai isi itu i le isi itu ona o le leai se nofoa e feavea’i ai." 

Sa taua foi o si o latou aiga e lima vaivai ae e faia mea uma ona o le alofa le tamā ina ia umi pea lona soifua. 

Mo se tasi e fia fesoasoani ia Tuifeai fa’afeso’otai le numera 7269755.

© Samoa Observer 2016

Developed by Samoa Observer in Apia