MALAGA MATA’UTIA A SE VA’ALELE I LUGA O LE SAMI

Tusia Mirror Online UK ma Fa’aliliu e Maiava ,

933 Hits

E  FA’AETEETE-GATA LE ‘AVEINA O SE VA’ALELE I LUGA O LE SAMI

E FA’AETEETE-GATA LE ‘AVEINA O SE VA’ALELE I LUGA O LE SAMI

Ua alu atu nei se malaga a se va’alele - ua le toe-fa’aaogaina o le Ituaiga o le Boeing 767. O lea malaga e le ala atu i le ‘ea pei ona masani ai va’alele, a ua aga’i atu i luga o le sami, i luga o se va’a o le gataifale. 

O lo’o ‘auina atu le va’alele lea - e 159 futu le ‘umi - i luga o le sami, ina ua mae’a le ono-itula o galulue vaega o le gataifale e fa’ati’eti’e i luga o se lanisi lapoa i le malae-va’alele o Shannon i County Clare, i Aialani.

Sa aga’i atu le va’a i se vaitafe fa’asolosolo atu ai i le ogasami ma aga’i ai i se faletalimalo i County Sligo.

Na lolofi atu le ‘au-matamata faitatala i le matafaga e mata’ia lea malaga, o se va’aiga mata’utia fo’i o lea va’alele e 50-tone le mamafa.

O le ‘ave’esea o le va’alele lea, o se vaega o se poloketi o lo’o fa’atinoina e le ali’i-faiPisinisi o David McGowan.

E mana’o McGowan e fa’aaoga le va’alele lea mo le faia o se apitaga mata’ina i le faletalimalo i Enniscrone.

Na fa’ailoa e Deidre Whitney, le pule o le Malae Va’alele i Shannon, e le’i tupu lava se mea fa’apea muamua i le malae-va’alele, o se uta tele fa’apea.

“Sa fa’ananau lava David McGowan e fa’atino le mea lea ma ua matou fiafia fo’i ona o lo’o matou ‘auai e lagolago atu i so’o se ‘auala mo le poloketi ‘ese,” o lana fa’aaliga lea. 

“Sa taumafai e fesoasoani i soo se ‘auala, aua le saogalemu ma ia ‘aua ne’i afaina ai galuega masani a le malae-va’alele. O le ‘autu lena sa tilotilo iai,” o lana fa’aaliga lea.

 “E matua leai so’u manatu o le a va’ai tino i se va’alele ae tu’u i luga o se lanisi ma avatu fa’apea i luga o le sami.

“E fou tele i le va’ai lea mea atonu fo’i o le a fesoasoani e una’ia ai le tamaoaiga lautele i Enniscrone ae maise le Sami Atalani atoa.

“E fa’amanuia tele atu ai lava ia David ma lana vaega, talosia ia taunu’u manuia le malaga ma le latou va’alele ia o’o lelei.”

© Samoa Observer 2016

Developed by Samoa Observer in Apia