O LE MAU A PULE-THE MAU MOVEMENT-1926-1946

Tusia Fuimaono Na’oia Faasavalu Touli F. Tupua ,

499 Hits

O le alii o Westbrook lea ua avea ma tagata matua-ua faaigoaina o se “tagata valea o le nuu” ma o se “vale ‘ai-‘aile ‘matua o se nuu.”Ona o lana meaalofa mata’utia- o le “tau faasese uiga ese”-na taui lava ia Westbrook mea leaga na ia faia ina ua le lelei lona mafaufau.

O Toelupe-o se alii matua lea na sao mai le fono na fai -a’o lumana’i ai le Faama’i Tele-ma sa lagolago malosi i le Malo; sa faamatalaina o se alii e faigata ona galulue faatasi ma isi tagata.

“O lana fautuaga- e tatau ona fesiligia e avea ma faaaloalo i lona poto, ae le faapea ona o lona poto tele.I totonu o lana lipoti faale-tausaga i le Palemene o le 1930-fai mai Aleni- ua leva ona mate le Mau i le 1929-se’ia o’o i le taimi na malaga atu ai Tuimalealiifano ma Faumuina i Aukilani mo le faamasinoga o Nelesoni e faasaga i le New Zealand Herald.

Ina ua toe taliu mai i la’ua, fai mai a ia-na la folafola atu se manumalo o lea faamasinoga ma e toe faaolaola le Mau. O lea tulaga na mafua ai ona tau’ai i ma’a taavale, amio mataga a tagata i totonu o Vaimoso ma Lepea, uiga tau faasese ma le fiapule to’atasi.

Ina ua mae’a le faatu’iese ma le vevesi-sa matua tulai mai le malosi o le Mau a Tamaitai. E ui lava ina faamatalaina e Aleni i totonu o ana fe’au faa-uaealesi- tamaitai ma o latou tulaga faaletonu tau le talitane ma le amio leaga, ae o le lipoti faale-tausaga- o le taimi muamua lea na ia faaalia ai faalaua’itele lea tulaga.

Fai mai a ia- i totonu o tausaga e tolu na tula’i mai ai le Mau, o se vaega tele o alii sa potopoto i totonu o se nuu e latalata i Apia. O lea tulaga-fai mai a ia-ua mafua ai le le lelei o latou uiga ma ua tosina atu ai tamaitai i se tulaga e le mau tonu.

“O le filo i ia tamaitai-ua faigofie ai ona faasalalau atu uiga o le le tausisia o le tulafono-ma o lea ua latou galulue faatasi nei ma o latou taitai-i totonu o taualumaga uma-fono i Vaimoso ma mea faatiga i tagata feoa’i-i o latou uiga-upu e fai ma le amio.

Sa le manuia le talosaga a Nelesoni i le Palemene ina ia aveese lea lipoti, ma na faailoa atu e faapea ua osofa’ia ai “amioga lelei ma le loto alofa o tamaitai o Samoa. O Oketopa 1930-na faamatalaina ai e Aleni le tulaga ua i ai Samoa-“ua matua lelei lava.”

Fai mai a ia -o Tuimalealiifano e nofo i Falelatai ae auina mai ana fe’au faale-uo mai lea taimi i lea taimi” ma ua alu ese mai le tulaga faigata. O le isi faaupuga lea a Aleni. O Faumuina ua vaivai ma ua na le mautinoa le mea tonu-ua faatalitali i taimi uma pe o le fea itu e tatau ona auai.

Ua toetoe lava o vaiaso uma e asiasi ai i le Alii Asiasi o Braisby, ma faaauau pea ona tuuina mai ia i matou tala fou fou, ma ua auai i ni feteenaiga umi e faasaga ia i latou  na faaseseina o ia ina ia auai i le Mau ma isi mea uma.

Fai mai ana le una’ia o ia-e le auai lava i le Mau-o lea tulaga e aliali mai e moni. Ua le o toe mafai ona maua se ma feiloaiga ma Tamasese-ae o lea ou te tilotilo mo se avanoa-talu ai e ui ina talavou i le taimi nei-o le a avea o ia ma tagata taua ma le aloa’ia i le lumana’i.

I le taimi nei –o loo matua leoleoina o ia i se faiga mautu e nisi o tamaitai afakasi ina ia mautu le latou sootaga. Sa faaauau pea lea faaupuga a Aleni ma na ta’ua ai e faapea- e le o lava se iloa o tagata lautele o Niu Sila pe o le a le mea na afua mai ai le Mau.

O lea mataupu atoa o loo tumau pea ona faapea- pe tatau i se papalagi poo se ‘afakasi ona ia pulea se motu; o lona uiga-pe tatau ona pulea lea motu e fai ma sui o ia Tagatanuu, o tagata Samoa ia-sa malu puipuia ma mulimuli ane ona agavaa mo lona lava malo; poo e tatau ona maua e ‘afakasi le pulea o le malo, faaaoga tagata o le atunuu mo latou lava manuia ma faaitiitia ai ia motu e avea ma nuu o tagata afakasi.

O le pogai lenei o nei faafitauli uma tau polokiki iinei-ma e le mafai ona faamalamalamaina atili.  Na toe faatu e Aleni le Fono a Faipule i se faiga fou-i taimi faai’u o le 1930 faatasi ai ma faipule e tofia mo le tolu tausaga-ae le o se taimi e le mautinoa e pei o le fono tuai.

Sa le fia auai le Mau- o le mea lea-ina ua fesiligia e Aleni ni sui faatutu mai matai-e na o matai o le Malo na tuuina atu o latou suafa, ma taunuu ai i se fono faapena-lea na faamuta i le 1929.

Mo le Mau-o lea fono e leai sona aoga tele-ma a’o fesiligia matai-sa tumau pea le pule e fai ai le tonu- i le Pulega. O Oketopa 1930-na faatulaga ai e Nelesoni –e ala i se tusitusiga sa faaulutalaina ‘O le mea e manaomia e Tagata Samoa ‘-sa auina atu ai se mafuaga o se  fuafuaga na ia faamatalaina -e pei o se “mea sa le mafai ona faatino i totonu o Samoa:

“E matua leai lava ma sina faamoemoe tau le faavaeina o se va fealaoaloa’i lelei i le va o Niu Sila ma tagata Samoa-i taimi uma lava e taumafai ai lava le Malo o Niu Sila e ufiufi le anoano o ona lape ma sese ma le ‘alo ese mai le noatia mo faalavelave.

Na ia toe iloiloina mea tiga sa feagai ma Samoa talu mai le 1920, lafoga e aunoa ma tagata e faasino i ai, tupe alu, le maoa’e o alii papalagi mai Niu Sila e maualuluga o latou totogi, le pasia o le Poloaiga Tau le Faavae o Samoa e aunoa ma se faamaoniga poo le tuuina atu i tagata Samoa ma le leai o se fuaitau o i totonu o lea poloaiga e faasino i le tulaga o le malo o tagata Samoa.

Ae peitai-o le pogai o loo ufitia ai nei tiga uma-o le faama’i tele lea. E ui lava ina leaga le faafoeina o se mea na tulai mai e avea ma mala o le atunuu atoa-ae o le mea moni o tagata Samoa-o tagata kerisiano moni lava; e faigofie ona latou faamagalo atu i se mea leaga-ae atonu ua loa ona ola Niu Sila ma le le fiafia i tagata Samoa-e pogai mai –pe ana latou faatinoina le mea moni e fo’ia ai o latou tiga.

Ae peitai- e ese ai mai le faia o lea tulaga-sa faaauau pea ona auina mai e Niu Sila alii fitafita i Samoa-ae ua leva ona uma le taua o le lalolagi, ma o le taumafaiga la ina faavaeina le pulega faafitafita-e faatino ai ni suiga iloga faanatinati, e aunoa ma le aloa’ia o aganuu ua leva a Samoa-poo le faiga masani ua leva ona faavae ai-ina ia na mautinoa ai e tagata Samoa- e sili ona talafeagai ma lo latou siosiomaga, le latou aganuu, ma le faiga masani o lo latou soifua.

Fai mai Nelesoni e mafai e Niu Sila ona amata aveese le lipoti faale-tausaga a Aleni o le 1930-ma e tatau foi ona faatoese i tamaitai Samoa i se ala e sili ona lelei-tau le faaliliuina atu o le ‘Pule faa-Manitete e Puipui ai (i se atunuu) lea ua lava lona poto masani ma le alofa faatasi ai ma moomooga o tagata Samoa- e faatino ai se Puipuiga e tusa ai ma se feagaiga mautu na faia i le 1889 i le va o Samoa ma malo tetele.

Ae peitai-i se tausaga mulimuli ane ai-o le tafaina o tagata i le Aso To’ana’i Pogisa, sa faaauau pea ona tiga ai le Mau. Na osofa’ia Faleasi’u e Leoleo ia- na talitonu o loo fono le Mau iina. Ina ua leai se mea na maua ai-na tafana e Leoleo ta’ifau uma lava ma pua’a-a’o le’i o ese.

Na feagai foi Le’auvaa ma se osofaiga na fai i le aoteatea e ala i se faiga e masani ai:o meatotino a aiga na faaleaga-ma leaga faiga na fai i tamaitai ma tamaiti.O se tulafale o Mata’eliga ma se alii talavou o Tomeniko, o i la’ua uma ia mai Sataua Savaii; na toso faatātā i le falepuipui ona o mafuaga e faapea sa i ai i la’ua- i se nuu sesē.

O Logo- o se tulafale mai Leulumoega- na pu’e ma saisai ona o le fai o se lauga e lagolago ai le Mau. Ina ua o mai i Apia ni matai e to’a sefulu-fitu e tuuina atu molimau e tete’e atu ai i le pu’eina o i la’ua e aunoa ma ni pemita mai Leoleo.

E tasi le masina na falepuipui ai Logo ma o ana molimau e ta’i ono vaiaso e falepuipui ai. Na afio mai i Apia Tuimalealiifano  e aunoa ma se pepa faamaonia e vaai ai se foma’i fa’inifo-na maua e Leoleo ma faamata’u-faatasi ai ma le saisai-se’ia vagana ai ua toe vave taliu atu i lona nuu.

O le manatu faaalia o le New Zealand Herald  fai mai-“O ia amio faavalevalea- ua namu leaga ai Niu Sila. Ua latou faia lea mea ia Tuimalealiifano e peiseai latou te fefefe ia te ia- tusa lava pe feafioa’i Tuimalealiifano i totonu o lona atunuu ae faalavelaveina e Papalagi o tagata ese!

Na ioe le nusipepa ua vaivai le Mau; e ui lava ina o loo faaauaau pea faiga e faasaga i le Mau. O Falepuipui sa faaauau pea ona faatumulia i pagota o le Mau-ma o le nofoaga o i latou lea ua tatala i tua- ua vave ai ona tumu i isi.

O nisi e o mai mai le falepuipui ina ia toe saisaitia ma avatu i le falepuipui- ona o le faaauau pea ona avea ma sui auai o le Mau. E leai se faalapotopotoga  a le Mau talu ona faataape i itulagi e fa,  ae ua lava ma totoe le faapea o i latou o sui auai o le Mau-e faasala ai ma faaauau ai pea ona tutumu falepuipui. Fai mai Hall Skelton i sana tusi i se minisita o le kapeneta i Ueligitone, o lona lagona, ua i ai se suiga itiiti o lea tulaga i totonu o Samoa- talu ona tafana.

O loo tumau pea ona tumu falepuipui i le vaega toatele o tagata Samoa  e matua tete’e lava i le malo-ma e ono mafai ona tupu mai ai se faalavelave!

© Samoa Observer 2016

Developed by Samoa Observer in Apia