Si’isi’i le tau o le soifuaga

Tusia Ilia L Likou ,

32 Hits

Tu’upo So’otaga.

Tu’upo So’otaga.

O le finagalo i le tamā i a Tu’upo So’otaga o le to’atele o tagata ua liliu i le fa’ato’aga mo sina tupe fa’asili.

I le fa’atalatalanoaga ma le Fofoga o Samoa sa ia fa’ailoa ai lea tulaga.

“Ia o a’u e to’afa la’u fanau, e to’atolu o lo’o i atunu’u i fafo ae o le isi to’atasi ia o lo’o i le aoga.

Na ia fa’ailoa ua tele faigata ua feagai ma le tele o tagata i lenei vaitau.

“Ia e le tau fa’ailoaina lea tulaga mo le silafia o si o tatou atunu’u.

“O le itu mautinoa ia ua tele ina alu i luga le lagi le tele o tau o oloa.

“O le tele o tagata ua ala ai ona o ese mai galuega na galulue ai ae o le ma’umaga aua ua le gafatia e tupe maua le tau o le soifuaga.

“I a te a’u lava ia o le itu mautinoa, e ao lava ona o tatou nofo uta  i nei suiga ua o tatou i ai.

‘Ia aua aua lava le nofoa’i, o a mea ua tatou iloa e ao ona o fa’atino mo le tausiga o aiga.

‘Tatou fa’atino aua e leai ma se isi e sau e fesoasoani mai i a’i tatou aua ua le toe faigofie nei aso.

“Ua le faigofoe le su’eina o le  tupe mo le tele o le vaega o le atunu’u.

“O le olaga lavaia e fa’apena, ae o le uiga o la’u tala e tatou te nofonofo loa faigata loa ona o tatou fa’atino vaega  o lo’o tatou mana’omia ai se fesoasoani.

O le isi itu faigata o lo’o ua ia matauina i le taimi lenei o le leai lea o se fesoasoani e mafai ona maua i taimi uma.

“Ia e pei o lea lava le soifuaga e ao ona tatou i ai, aua tatou te fiu gofie a ia taumafai e fa’atino vaega uma e mafai ai ona fesoasoani i fanau.

“Ua le faigofie nei ao, ua tatau ona o tatou galulue e tusa ma le tau o le soifuaga lea ua o’o ai.

‘E le mafai ona e alu atu toe aumai ni vaega taugofie mai faleoloa.

“Ua le pei o la aso e moi lava ae na mafai lava ona maua nai vaega taugofie mo le tausiga o la aso.

‘Ia, ua ese la aso ese foi nei, aso tatou lea ua alu ai lava le taimi lenei i le mea lea ua i ai.

“O se itu lelei tele lea ma le matagofie i le olaga nei o le mafai ona ola ai pea fa’apea mo le lelei alu i luma o le soifuaga.

© Samoa Observer 2016

Developed by Samoa Observer in Apia