Maua fa’amatalaga o le tino maliu

Tusia Ilia L Likou ,

102 Hits

Se Vaaiga ina ua mae'a le fa'alavelave ile vaiaso na te'a nei.

Se Vaaiga ina ua mae'a le fa'alavelave ile vaiaso na te'a nei.

Ua fa’ailoa mai nei le afioaga o le e ua to’atolu ai i latou na maliliu i le fa’alavelave i Faleula i le Aso To’ana’i na se’i mavae atu nei.

O lenei tinā e mai le afio’aga o Nofoali’i ma e 51 le matua o le soifua.

E tusa ai ma ripoti na tu’uina atu i le Aso Lua,  na fa’ailoa ai e le Matagaluega a Leoleo le taumafai ai pea lea e sailia fa’amatalaga e fa’atatau i lea tinā.

O lea le  fa’amaoniaga mai le So’oupu o le Matagaluega o Leoleo i a Auapa’au Logoitino Filipo.

“Mai le 46 o le pasese lea na i luga o le pasi i le taimi na tula’i mai ai le fa’alavelave, e to’aono o lo’o ua taofia pea e o’o mai i le taimi lenei,” Auapa’au.

“E 37 na faia togafitiga i lea lava aso ma toe o ese mai ai mai le falema’i i le po o le Aso To’anai.

Sa  taumafai se fa’amatalaga i le Pulega o Felauaiga ae le’i fa’amanuiaina.

I nisi o fa’alavelave talu ai i ta’avale lavevea lava na aumai fa’afautuaga ai e le mamalu o le atunu’u nisi o vaega e toe fa’aleleia aua lava le saogalemu o tagata lautele.

I fa’alavalave lea na tula’i mai Tufuiopa, na fa’ailoa mai e le Pulega o Felauaiga le tatau ai lea i a’i latou o lo’o alala i Tufuiopa ona aloa’ia sa latou talosaga i se tusitusiga agai i le Pulega e fa’atatau  i lo latou manaoga mo nisi o vaega fia fa’aleleia i luga o auala femalagaiga, ina mafai ona alofia ai le tele o le mau fa’alavelave o lo’o ua tula’i mai pea.

Ma o le fa’aaliga lea na tu’uina mai e  se tasi o sui o le Pulega i a Jerome Ah-Mu e tali atu ai i nisi o atugaluga a le atunu’u o lo’o ua alala i lea vaega o le atunu’u.

O ripoti na tu’uina atu muamua o lo’o ua fa’ailoa mai ai lea tulaga e nisi o le atunuu i le le saogalemu ai lea o le pioga e sau mai luga o le kamupani o le Island Rock i le vaega tonu lea o lo’o i ai le vai i Tufuiopa.

I le vaitau o aso fiafia, e tele lava fa’alavelave tau ta’avale sa fa’aleagaina ai nisi o meatotino a le malo.

O nisi o ia fa’alavelave tau ta’avale sa lipotia atu i le matagaluega ae o nisi o fa’alavelave e le’i ripotia atu i Leoleo.

Ae na fa’ailoa  e Auapa’au o loo aiaia i lalo o le tulafono e ao i tagata lautele ona logoina le Matagaluega o Leoleo i soo se fa’alavelave e a’afia ai meatotino a le malo.

“E ao i so’o se tagata ona tu’uina mai fa’amatalaga e fa’amaonia ai le soligatulafono a le ave taavale.

O lea vaega e a’afia ai lē faamaoni aga’i i pasese e tusa ai ma ni uta o lo’o tauaveina e le ta’avale. O lo’o iai le malosiaga i ali’i leoleo e tapaina ai lē onaina le ta’avale e tu’uina mai fa’amatalaga ae afai ae lē utagia e ono molia lea i le tulafono.

Sa ta’ua foi e Auapa’au i le Samoa Observer so’o se tasi lava e le utagia pe le usitaia lenei tulafono ua ia solia le foi le tulafono.

Sa ia fa’ailoa mai e solitulafono lea vaega i lalo o le tulafono o Taavale Afi 1960.

Aepeitai i le tali mai ai o le Leasi le Ofisa Sili o Fela’uaiga i luga i nisi o fesili sa tu’uina atu e le Samoa Observer, ‘e tuuina mai e le pulega taui mo i latou e ripotia atu faalavelave tau taavale o loo faaleagaina ai meatotino a le malo’

“Afai o le fa’amatalaga e tu’uina mai e le Pulega e maua ai le ave ta’avale sa fa’aleagaina ia meatotino o le a maua ai le $200 tala e tuuina atu e le pulega mo le e mafai ona litpotia mai lea tulaga’

“E fa’amauina ua fa nei fa’amanuiaga ta’i $200 ua tu’uina atu e le pulega i tagata ua tu’uina mai fa’amatalaga sa’o ma le fa’amaoni.

Sa fa’ailoa foi e Leasi so’o se meatotino lava a le malo e fa’aleagaina o le matafaioi lea a le Pulega o Felauaiga i luga o le Laueleele. O le pulega foi e gafa lea ma le toe fa’aleleia o ia vaega uma aua le saolegalemu o tagata feoai i luga o le alatele.

“ I le sailia ai o O latou nei o loo faia nei uiga le alofa o loo manaomia ai le galulue faatasi o le Pulega, Matagaluega o Leoleo ma le lautele o le atunuu e ala lea i le tuuina atu o faamatalaga e mafai ai ona iloa tonu i latou nei.

© Samoa Observer 2016

Developed by Samoa Observer in Apia