21 tausaga leai se suavai

By Ilia L Likou 31 January 2018, 12:00AM

Ua 22 tausaga talu ona le maua e le aiga o Fa’aea Fila o Faleasiu se eletise ma le suavai.

O lea le fa’amaoniga e fa’atatau i le fa’atalanoaga ma le Fofoga o Samoa.

E to’afa alo o lenei tinā ma na ia ta’ua le tulaga faigata o lo’o ua i ai nei le aiga ona o le leai o se suavai maua aemaise o le eletise i le tele o tausaga e o’o mai le taimi lenei.

Na ia fa’ailoa o nisi o aiga o lo’o mafai ona maua atu ai le suavai i le tele o tausaga  na o latou nofoia ai lea vaega o le afio’aga.

“Ia e pei o lea lava le faigata o lo’o ua i ai nei ,ua o tatou iloa uma lava le faigata ua i ai nei le soifuaga pe a leai se suavai.

“O lea lava foi le fa’afitauli olo’o ua feagai ma si o matou aiga, ia e alofa lava i fanau o le a le la ia e taumafai lava e la’a i nai isi o aiga o taulalata mai mo se suavai.

“E pei o lea lava le fa’afitauli i aso uma, ia ae ua o tatou iloa uma lava le soifuaga o le suavai lava e fa’alagolago ai le tele o galuega fa’atino ma feau mai lea aso i lea aso.

“Ia ae leai se mea e mafai i le taimi lenei e pei ona outou silasila mai ai nei.

Na ia fa’ailoa o le itu faigata o le tuai ai lea ona fa’atino vaega uma mo le aga’i atu ai le lumanai.

“Ia o le uiga o la’u tala, ia e le lelei ni feau e fai aua e pei o  mea uma lava e fa’alagolago i le suavai.

O le faigata o lo’o feagai ai ne ii le itu tau suavai ona e le’o mafai ona o’o atu i le vaega o lo’o alala ai le tina ma le aiga.

“Ia e o’o lava i le eletise o le tulaga faigata lava lea o lo’o i ai nei, o se itu e ao ona silasila lelei i ai, aua a le mafai ona maua vaega nei ia o le faigata lea o so’o se soifuaga.

“E o’o lava i  se tanevai ia e faigata tele ona o tupe lava mea uma ae o lo’o i ai le fanau e ao ona ave ai pea le fa’amuamua.

Mo se fesoasoani mo Fa’aea  ma le aiga fa’afeso’otai le 7649566.

By Ilia L Likou 31 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>