Manu’a tigaina i se aga’ese

By Ilia L. Likou 30 December 2017, 12:00AM

Ua fa’amaonia mai e le So’oupu o Leoleo, Auapa’au Logoitono Filipo se taule’ale’a o lo’o tigaina mai ni manuaga i se agaese ma o lo’o taofia nei i le falema’i i Moto’otua.

O lo’o ua fa’aaua ai pea su’esu’ega a leoleo i le taimi lenei.

 “O lo’o ua maua i nisi o su’esu’ega o le agaese e mafua ai manaoga i nisi o vaega o lona tino,” Auapa’au i le fa’atalatalanoaga ma le Samoa Observer.

“O le taimi lenei o lo’o ua i se tulaga faigata ona manuaga i le falema’i ma o le itula e fa i le vaveao (ananafi) na ripotia mai ai lea fa’alavelave.

“O le taimi lenei o lo’o fa’agasolo pea ana taotoga.

O se  tasi o tamā o lo’o alala i lea vaega na tula’i mai ai lea fa’alavelave na ia fa’ailoa o lea taule’ale’a e sau mai le afio’aga o Moto’otua ma na maua ua leiloa se mea i le vaega o lo’o paka ai ta’avale.

I nisi o ripoti na  tu’uina atu i le aso ananafi o lo’o ua fautuaina malosi mai ai lava e le Matagaluega o Leoleo le galulue fa’atasi ina ia tau fai maua fa’atasi e le atunu’u se Kirisimasi Fiafia ma se Tausaga Fou manuia.

O le taimi lenei o lo’o sa’ilia pea e le Matagaluega o Leoleo se avetaavale o le Suzuki lea na aafia ai le soifua o se taule’ale’a mai le afioaga o Vaimea.

O lea le itu sa faamaonia mai e le So’oupu a le Matagaluega o Leoleo ia Auapaau Logoitino Filipo aepeitai e lei mafai ona ia faailoa mai faamatalaga ona o loo faia pea suesuega a le Matagaluega o Leoleo.

I se lipoti e tusa ai ma Aso malolo o le Kerisimasi sa ia faailoa ai sa filemu mea uma. 

E ui lava sa iai nisi o faalavelave sa lipotia mai le motu tele i Salafai ma le lua o mataupu tau pule i le soifua. 

Na maitauina foi le utagia e le mamalu o le atunuu fautuaga sa tuuina atu a’o lei oo i aso fiafia aemaise lava ave taavale e faasuava na faafoeina ta’avale.

“O faalavelave tau taavale i lenei tausaga ua faaitiitia pe a faatusatusa atu lea i tausaga ua mavae” Auapa’au Logoitino.

“E momoli atu ai le agaga o le faafetai i le mamalu o le atunuu ona o le lagolagosua mai foi le galuega a le matagaluaga.

“Ua  o tatou iloa uma lava le tulaga e o’o i se tasi e faafoeina le taavale ae o loo faasuava aua e le gata na lē saogalemu mo ia ae e faapena foi ona le saogalemu mo i latou e savavali i tafāala.

N taua foi e  Logoitino e tasi se faalavelave tau taavale sa lipotia mai Ululoloa, o lea taavale sa so’oa se tasi o poumouli. 

Sa auina atu le ave taavale i le falemai mo togafitiga, ina ua te’a mai i tua sa molia loa i le moliaga o le fa’asuaava a’o faafoeina le taavale ma le leai o se laisene ave taavale.

O le isi faafitauli sa molimauina e le Matagaluega o le toatele o le atunuu e taumafaina le avamalosi faaletatau. “E selau mataupu po’o valaau sa tali atu iai le Matagaluega i le Kerisimasi”. 

 “O loo faapena lava ona faaauauina pea tiute masani a le matagaluega o leoleo i le tele o vaega o le atunuu aua lava le mataituina lava o le saogalemu o le atunuu seia maea aso fiafia”.

Sa molimoli le agaga o le faafetai a So’oupu i Alii ma faipule o afioaga taitasi ona ua tu’u atu lo latou tauau e lagolagosua ai le galuega a le Matagaluega o Leoleo o loo faatinoina ina ia mautinoa le saogalemu ma ia maua pea le filemu i totonu o le atunu’u a’o lo’o feagai ai ma aso fiafia.

By Ilia L. Likou 30 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>