Saoimatau i le afio’aga o Vaitele

By Ilia L. Likou 30 July 2016, 12:00AM

O le taeao ananafi, o se taimi fiafia ma felanulanua’i i le laoa o le Tofa a Toi ona o le saoimatau ma le fa’apa’iaina o matai fou e 42 i le afio’aga o le Aloali’i a’o se  alalafaga o Toi Lealailepule ma le fetalaiga Pula.

O suafa sa fa’ae’eina atu i sui o le aiga, e aofia ai le suafa Galumalemana, o Tupuola, Tagaloa, Siliga, Lealailepule, Lepou, Seumalo ma isi.

Sa ‘auai i lea fa’amoemoe le Afioga a le Ali’i Palemia , Tuila’epa Sa’ilele Malielegaoi,  e suafa fo’i ia Galumalemana i Vaitale, fa’apea le Sui Faipule o le Itumalo o Faleata i Sisifo e mai lea afio’aga, le Tofa a Lealailepule Rimoni ‘Aiafi fa’apea le Sui-Fofoga Fetalai o le Maota, o Nafoitoa Misa Talaimanu.

I le taimi o le fa’apa’iaina o nofo-fou, sa fa’amanatu e Galumalemana Sa’ilele Malielegaoi,  o le matai, o le tofi mai Le Atua e tautuaina aiga, o nu’u, ekalesia ma le atunu’u ma so’o se tasi lava.  

Na fa’aalia fo’i e Lealailepule Pona Tau’auve’a, o se tasi o sui o le aiga e fa’apea, o le fa’amoemoe ua fa’atinoina nei, o se tulaga lelei lea ma le amataga o se suiga fou mo le aiga. 

“E le fa’apea o le matai e na o se ta’ita’i ae o le tautuaina o lou aiga ma tagata uma o iai,” o lana fa’aaliga lea, “E le se mea faigofie peita’i, a ‘au fa’atasi ma Ieova, e leai se mea e le-mafai”.

O le Susuga a Isa’ako Fa’agai, le Tausi-Matagaluega Metotisi i Saina sa ta’ita’ia le sauniga na fa’apa’iaina ai matai uma ma fa’amanuia atu i e uma ua saoimatau. 

Na fa’ai’u lea aso i fa’aaloaloga masani sa saunia e le aiga potopoto. 

O Suafa Matai sa fa’ae’eina ananafi, e aofia ai:

Galumalemana

Galumalemana Tasi Feite, Galumalemana David, Galumalemana Itagia, Galumalemana Pola, Galumalemana Eterei Pula, Galumalemana Anuilagi Veletaloola, Galumalemana Maria, Galumalemana Siutaulalovasa.

Tupuola

Tupuola Semu Matautia, Tupuola Levi, Tupuola Malaetele, Tupuola Lisi, Tupuola Peati, Tupuola Tutai

Tagaloa

Tagaloa Jordyn Wynne, Tagaloa Naomi, Tagaloa Richard Martin, Tagaloa Pierina Malielegaoi, Tagaloa Timuia, Tagaloa Amy Parker, Tagaloa Maulalo, Tagaloa Umuesi Leiataua.

Siliga

Siliga Maryann Feite, Siliga Esther, Siliga Uilaefa Maiava

Isi Suafa na fa’ae’eina atu:

Agaimalo Tautalaaso Mata’ia, Aualiitia Laufiso Tusigaigoa, Aualiitia Eteuati Tauiliili, Auali’itia Molesi, Aualiitia Faleafa Umuesi, Lealailepule Pona Tau’auve’a, Lealailepule Simona, Lealailepule Tafa’I Mataia, Lealailepule Fuafiva, Lealailepule Samuelu Ne’emia, Lealailepule Seepa LatafaleMataia, Malagamali’I Li’a Mataia, Suemalo Sefulu, Suemalo Faleoatua Fili, Vaea Tafa’igata, Lepou Siuta ma Lepou John Ng Lam.

By Ilia L. Likou 30 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>