Lagolago e le Tautua le Komisi Su’esu’e

Tusia Lanuola Tusani Tupufia ma Faaliliu e Seagaitumua Tupuola ,

157 Hits

PALEMIA O SAMOA: Tuilaepa Sa'ilele Malielegaoi.

PALEMIA O SAMOA: Tuilaepa Sa'ilele Malielegaoi.

O le valaau mai le Palemia o Tuilaepa Sa’ilele Malielegaoi mo se Komisi Su’esu’e faapitoa e su’esu’eina le Faamasinoga o Fanua ma Suafa ua leva ona te’a le taimi. O le manatu lea o le Faipule o le Tautua Samoa o Olo Fiti Vaai.

E tusa ai ma Olo, ua loa ona pagatia le atunuu ona o uiga faatuai  o faaiuga e fai e le Faamasinoga o Fanua ma Suafa.

Ou te matua lagolagoina lea valaau ona afai e le faia e le Palemene lea valaau i le Faamasinoga o Fanua ma Suafa-e leai se tasi na te faia.”Ua leva ona fautuaina Faamasinoga e le Palemene mo se taimi umi e uiga i tulaga pagatia o tatou tagata,” o le faaaliga lea a Olo. “E i ai faamasinoga ua leva ona tosotoso mai le sefulu tausaga talu ai e aunoa ma se faaiuga mautu..Sa faailoa mai e le Faipule e faapea o le faatagaina o le Komisi Su’esu’e-o lona uiga-o lea ua fesoasoani lePalemene i le isi lima o le temokalasi.

Na ia toe ta’ua e faapea o le Faigamalo a le Vaega e Puipuia Aia Tatau a Tagata lea o loo faafoeina le malo-e tumau pea ona i ai lona lima malosi tau le faia o ia faaiuga mo se Komisi Su’esu’e. I totonu o le Palemene i le Aso Gafua, na faafuase’i ai ona faalaua’itele ai e Tuilaepa se faaaliga. 

Na ia faamamafaina le manaomia ona fai o ni siaki mo faamasino o le Faamasinoga o Fanua ma Suafa. “Afai e le fo’ia e le Faamasinoga ana mataupu tau le lotoifale , e i ai le tiute o le Palemene na te faia ai se poloaiga faatasi ai ma le lua o vae tolu o le lagolago mai Faipule o le Maota,”o le faaaliga lea a Tuilaepa.

Ona faatu lea e le Palemia o se lafo e faavaeina ai se Komiti faapitoa Faa-Palemene na te suesueina le galuega a Faamasino o le Faamasinoga o Fanua ma Suafa ma lipoti atu i le Palemene mo le fono ia Oketopa.  .Fai mai a ia e mafai e le palemene ona tuuina atu se talosaga i leAo o le Malo ina ia aveese soo se Faamasino-o ia lea e le o faatinoina a latou matafaioi ma le faamaoni.

 “O mataupu e tatau ona latou tilotilo i ai-muamua, o le tulafono ma taualumaga a le Faamasinoga o Fanua ma Suafa. O lona lua, o tofiga ma le iloiloina e le Faamasinoga o Fanua ma Suafa o le faatinoina o tiute o faamasino. O lea suesuega o le a tilotilo sa’o lava i ala e fautuaina ai le atiina a’e o le Faamasinoga o Fanua ma Suafa, aemaise ai lava i luma o le Faamasinoga ma ina ia faaiiitia ai le maumau o le taimi o itu talosaga ma le tele o galuega mo Faamasinoga lea foi o loo faamaumau ai e le malo tupe.”

Sa faaalia e Tuilaepa e faapea o le suesuega e tatau ona matua manino ai e faapea o tofiga o faamasino o le Faamasinoga o Fanua ma Suafa e faa-feagaiga ina ia mafai ai ona toe faa-talanoaina i latou pe afai o loo agavaa pea i latou e faaauau o latou tiute. Ou te le tau faailoa atu lea tulaga ae o nofoaga uma lava tau galuega, e i ai lava a latou faiga e siaki ai ina ia mautinoa ai o loo latou faatinoina o latou tiute. 

“E tutusa lava ma Matagaluega a le malo ma pisinisi e pulea e le Malo –lea a mavae tausaga ta’itolu o le konekarate-ona toe faasalalau lea ina ia iloa pe o i ai se tasi e sili atu ona lelei i lo le pule (o le matagaluega).”Na ia toe ta’ua e faapea i le faagasologa o lana lauga i totonu o le fono muamua a le Palemene XVI-na ia ta’ua ai le toatele o tagata ua lagā o latou atugaluga o na o le faatinoina o galuega a le Faamasinoga o Fanua ma Suafa.

O loo i ai ni nai atugaluga e uiga i Faamasinoga Tau Soligatulafono lea e aofia ai le Faamasinoga Faa-Itumalo ma le Faamasinoga Sili. Ae o le 99 pasene o faitioga na faaalia ai le faanonoa o tagata lautele-ona o faaiuga a le Faamasinoga o Fanua ma Suafa.

O le mea moni-e tusa lava pe o le a le malosi tatou te taumafai ai e fai se mea ia 100 pasene, e le mafai ona tatou faia ia 100 pasene ona o le fatu lelei e masani ona tutupu faatasi ma fatu leaga. Ae ui o lea, e talitonu Tuilaepa-e tusa lava pe o le a le taumafai o se tagata ina ia fai le mea e sili ona lelei e faatino ai o latou tiute, ae latou te talitonu foi o tofiga uma lava e mai le Atua. 

O se solitulafono pe a tuuina mai ia i tatou se tofiga e le Alii o ia lea e pule ai ma le tuuina atu atoatoa tatou i ai ma galue ma le faamaoni uma lava.

O lea Komisi o le a ta’ita’ifono ai le Faipule mo Vaisigano Nu. 1, o Lopao’o Natanielu Mua ma le Sui Ta’ita’ifono o Nafoitoa Talaimanu Keti.

© Samoa Observer 2016

Developed by Samoa Observer in Apia