Ua fa’ailoa e le tama’ita’i o Katie Price le feso’ota’i atu ai o le ali’i o Postorious i a te ia a’o fa’asolo ai lona fa’amasinoga i le fasiotia ai o lana uo tama’ita’i o Reeva.

Fa’ailoa mai e Katie e na te  le’i mafaufauina lea tulaga e mafai ona toe faia e le ali’i lenei a’o fa’agasolo ai le vevesi o fa’amasinoga i lea taimi i lona moliaga o lo’o i ai nei i le fasiotia ai lea o lana uo tama’ita’i.

O Fepuari o le tausaga lene na fa’amaonia le tu’uina atu ai lea i tua o le lauina o le iuga o le ali’i ta’alo tamo’e lauiloa i a Oscar Steenkamps i le masina o Oketopa.

Aepeita’i ua fa’ailoa mai nei i luga o upega tafa’ilagi le tele o nisi o pa’aga tama’ita’i o lenei ali’i sa i ai i le taimi a’o la’ua feo’ai ai ma le tama’ita’i i a Reeva lea ua maliu ma ia ta’ua na ala ona ia fanaina ona sa fa’apea o ia o se gaoi ua osofa’i atu lona fale. 

O le vaiaso ua tuana’i ua manino ai le mafai ona solo ese o ia mai le tele o fa’asalaga sa tatau ona molia ai o ia mai lea fa’alavelave, ona fai mai le fa’amasino i a Thokozile Masipa e mafua mai ona o le lava o fa’amaoniga e fa’amautu ai na ia fuafuaina lea faiga.

O le taimi lenei, e le’o mautu lelei mai se tulaga o le a o’o i ai ae pau le vaega o lo’o maumaututu o le ono o’o atu ai lea i se fa’asalaga tupe le fa’aiuga o le fa’amasinoga ma o lea le vaega o le a ono alofia ai le tuli o lona fa’asalaga e 15 tausaga e nofo sala ai i le falepuipui.

O nisi o tama’ita’i lea ua ma’ea fa’amaonia na fai pa’aga ma Oscar a’o fa’atasia pea ma Reeva e aofia ai Sam Taylor o ia o se tama’ita’i na a’o’oga fa’atasi ma ia, o Jenna Edkins e 25 tausaga.

 O Erin Stear ma le tama’ita’i i a Anastasia Khozissova  o’i laua mulimuli ia nei na fa’auo i ai a’o mafuta ai ma Vicky Miles le tama’ita’i lea na fai si umi o la mafuta a’e le’i fai pa’aga ma Reeva,.

O le fa’aiuga o le fa’amasinoga sa ta’ua ai e matua o Reeva ‘ e i ai le taimi e fa’ailoa ai le mea moni lava na tupu.’

Fai mai i latou o lo’o o latou silafia lelei lea tulaga o le taimi lava lea e tasi na o latou va’aia ai Sam  ma Oscar ae o lo’o fa’atasia fo’i ma Reeva, ma e le taumate o se tasi lea o mafua’aga o ni fe’eseeseaiga na mafua ai le fa’alavelave e ui e le fa’amaonia nei tulaga uma e pei ona fa’aalia.

Fai mai le tala o le tinā o Sam i a Trish, o le taimi na amata ai ona feoa’i na te  molimauina le saua tele ai o Oscar pe a fua atu i ai o le a le tala e fa’atonu ai e Oscar e na te faia lava ona o le fefe o lana tama teine i a Sam i le ali’i lenei.

“Na ma talanoa ma Sam i se tasi o aso na ia ta’ua le tele o tama’ita’i e na te mauaina ata ma Oscar i le tele o nofoaga.”

“Fai mai Sam na uma la la’ua faigauo ina ua iloa ni tama’ita’i se to’alua ma na fa’atoese atu Oscar i ni fe’au tusitusia aepeita’i na te le’i toe taliaina e o’o mai i le taimi lenei.”

O le tama’ita’i i a Anastassia Khozissova o lo’o i ai talitonuga maumaututu i le fa’atasia ai ma Oscar a’o feoa’i ai ma Reeva.

 Na ta’utino fo’i Jenna Edkins le la faigauo ma le ali’i lenei ma na ia fa’ailoa le tele o taimi na fa’afefe ai o ia e Oscar.

E tusa ai ma ripoti i le fa’auo ai o Reeva i se ali’i o le amataga o le tausaga nei na ripotia atu ai lea tulaga.

O le taimi lenei ua leai lava ma se meatotino  e tasi o toe totoe nei a. lea e aofia ai lona fale ma nisi o ana o vaega  taua tau i a te ia mo le fa’agaoina ma fa’atupe ai lana fa’amasinoga.

O ripoti talu ai  e fa’apea na fa’ailoa mai ai e se tasi o ali’i e igoa  i a Warren Lahoud sa la’ua feiloa’iga mulimuli ma Reeva ae lumana’i ai nai aso ae ripotia ai loa o ia ua oti.

O Warren sa ‘avea ma uō tama a Reeva i le lima tausaga tausaga talu ai ma na ia ta’ua le telefoni fa’alua atu ai o Oscar i le taimi na la fetaui ai ma Reeva i se falea’iga.

Sa ta’ua e Warren e iloa lelei o ia e Oscar ma e felata’i fo’i nofo’aga e nonofo ai i totonu lava o Johannesburg.

“E fa’alua ona o ma fetaui, ma e leai lava ni ona uiga fa’ailoa mai ai o lo’o ita i a te a’u”

O le feiloa’iga a Warren ma Reeva ae lumana’i ai le lua aso tupu le fa’alavelave na ia fa’amatala ai ma le manino, e leai se tulaga e fa’apea na o la toe fetaui i ni tulaga fa’aleuō e pei ona i ai muamua.

E ui lava la ina fa’ailoa mai e Warren le le tele ai lea o sa la’ua talanoaga ma Reeva ae ua o se tasi lenei o mafua’aga tele o lo’o ua numera muamua nei i mafaufau o le to’atele ma fesiligia ai, pe le o le mafua’aga tonu lea na mafua ai ona fana tutu’i e Osar  le tama’ita’i o Reeva i totonu o le fale ta’ele.

O nisi o tala sa tu’uina mai fo’i e fa’apea o le mavae ai  o le tolu masina talu nai aso talu ona mavae le maliu ai o Reeva, ae amata ai loa ona va’aia le tama’ita’i ta’alo  i a Claudia Viljoen o ia o se tama’ita’i, o afea le fale o le uso o le tamā o Oscar lea o lo’o nofo ai nei le ali’i ta’alo.

E le’o mautinoa lelei po o le mea ua leva ona fa’auo atu le tama’ita’i lenei o Claudia i a Oscar ona o lea o lo’o masalomia e pei na’o o Reeva na iloa matilatila la la ata ma Warren ae maliu i le lua aso o lumana’i, ae o lea ua fai si leva ai o le maliu o Reeva ae fa’atoā va’aia le tino o le tama’ita’i lenei ua tu’u alualu i le fale o lo’o i ai Oscar.

Na fesiligia Claudia i le ‘au tusitala e fa’atatau i lea vaega ae na ia ta’ua o ia e le’o i ai se tulaga e fa’auo atu ai i a Oscar, ma o lona o’o atu ai i le fale o luga lava o tulaga fa’atagata ta’alo, e fa’apea ona fesoasoani atu ai o ia i le tele o toleniga o lo’o mana’omia e Oscar, ma e le’o na’o ia o lo’o faia lea tulaga o lo’o to’atele lava ilatou o lo’o o’o atu mo le fa’atinoina ai vaega uma ia.