Ua osofa’ia se alii faipisinisi mai Saina

Tusia Ilia L Likou ma Faaliliu e Seagaitumua Tupuola ,

193 Hits

O se manu’a ogaoga i lona atigi ulu o se tasi lea o manu’a na tigaina lea alii faipisinisi mai Saina, o  Mr. San, i le po o le Aso Sa.

O se manu’a ogaoga i lona atigi ulu o se tasi lea o manu’a na tigaina lea alii faipisinisi mai Saina, o Mr. San, i le po o le Aso Sa.

O se alii faipisinisi mai Saina, o Kuan Hui San, o loo faasolosolo malosi i le Falema’i o Tupua Tamasese Meaole-ina ua mae’a ona talepe e ni alii se to’alua lona fale i Vaitele ma osofa’i o ia i le po o le Aso Sa.

Sa faaalia e Mr. San i le Samoa Observer e faapea na faate’ia o ia i le mea na tupu ma o loo miti pea i ai i le po. Na te le fia talanoaina auiliiliga o lea mataupu.

Fai mai se uo na o ma ia i le falema’i-o lea faalavelave na tupu i le vaeluaga o le po. “Fai mai a ia na osofa’ia lea alii faipisinisi Saina mai tua e ni alii se to’alua. Na faaoga e le isi le naifi e ta ai lona ulu ae tatu’i e le isi o ia a’o taumafai e tete’e atu ina ia saogalemu lona ola.” .Fai mai lea alii latou te masalomia o le tasi o e na faia lea osofaiga o Lauitiiti Tualima, le pagota mata’utia lea na sola ese mai le Falepuipui i Tafaigata i le Aso Sa. Ua toe maua o ia talu mai lena taimi ma toe faafo’i atu i le falepuipui

Ae fai mai le uo a Mr. San ua laki le faipisinisi mai Saina ona ua ola. “Ina ua pa’ū o ia i lalo, e tele ta mai le naifi na tau i ona foliga a’o taumafai o ia e pupuni ona foliga i ona lima,” o lana faaaliga lea.

A’o taatiatia o ia i luga o le eleele, sa faaauau pea ona tatu’i e ia alii e to’alua ona foliga. O i la’ua na uno’oa ai ona lima ma lona ulu ma tulai mai ai ni manu’a mata’utia i lona mata, alafau ma le tino.” “Sa le mafai e Ia ona gaoioi ina ua uma le osofaiga. O le itu e sili ona leaga e faapea na saisai o ia e ia alii e to’alua ae o ese…o lona to’alua na maua o ia mulimuli ane ma ave sa’o loa o ia i le falema’i.”

I le uo a Mr. San, fai mai ua matua le fiafia lava o ia. O se mea uiga ese le sola soo i tua o se pagota mata’utia i totonu o lenei atunuu-i luma ane o foliga o (leoleo o le Falepuipui),”o lana faaaliga lea. 

Sa tatau ona latou faaaoga se sela ese e loka ai o ia….ma i leoleo o le Falepuipui i Tafaigata, faamolemole faaaoga le mafaufau-tou te le’i o atu iina e momoe savavali ai ma fai la outou galuega.”

Tatou te manaomia uma lava se atunuu to’afilemu e nonofo ai ma faamole, faamole, loka ese ia pagota. E tatau ona tatou galulue faatasi e puipui o tatou aiga mai lea taimi i lea taimi.” Na faamaonia e le Fofoga o le Matagaluega o Leoleo, o Su’a Muliaga Tiumalu e faapea o lea ua molia Lauitiiti Tualima ona o lea osofaiga .Na sola ese Tualima mai le Falepuipui i Tafaigata i le Aso Sa talu ai ma i le taimi nei-o loo i lalo o ia o le vaaiga a leoleo-ina ua maua o ia ananafi. 

© Samoa Observer 2016

Developed by Samoa Observer in Apia