Ua faata’oto e se Suesuega le ata e fo’ia ai galuega mo tupulaga talavou
Mo le lua vaiaso talu ai-sa fai ai le suesuega a le Fono a Autalavou a Samoa (S.N.Y.C.) ma lana Vaega e su’esu’eina-na latou suesueina ai le 718 o tagata talavou e afua mai le matua i le 18 i le 35 tausaga-mai totonu o nuu na filifili i Upolu ma Savaii.
O lea su’esu’ega o le aoina lea o faamatalaga e uiga i tala’aga o le ‘autalavou, maualuga o lo latou aoaoina ma mafuaga ua le uma ai a latou aoga, tulaga tau tagata faigaluega i le taimi nei, poto masani i le faia o tusi talosaga mo galuega, tomai ma tulaga maualuga tau le faitau tusi, galuega taua e maua ai tupe o loo avanoa ia i latou mai puna’oa faale-natura o i totonu o latou nuu, ma le iloa ma le malamalama i galuega e leai ni totogi.
O faamatalaga sa faamaopoopoina mai lenei suesuega e taua tele e fesoasoani ai i S.N.Y.C. mo le:
Iloa lelei o faamatalaga faavae e uiga i tagata e leai ni galuega ma/poo tupulaga talavou e matua magafagafa i le tamaoaiga i totonu o Samoa, ati a’e o se faamatalaga tau faiga faavae e avea ma mea faigaluega pe a talanoaina mataupu tau le leai o ni galuega i totonu o le vaega o autalavou, ma
(i) Faatuina ma le faavaeina o le fuafuaga autalavou e amataina mo ana galuega tau autalavou i luga o se galuega amata tau fesootaiga i le initeneti e lagolagoina e le International Labour Organisation (lea e Galulue faatasi ma le Tasi o Polokalame a Malo Aufaatasi tau Galuega a le Autalavou ma le Samoa National Action Plan mo (Galuega a le Autalavou).
O Le Faamaopoopoina le Polokalame a le S.N.Y.C. o Taimalelagi Kaisarina Salesa fai mai sa matua sili ona fesoasoani ta’ita’i o nuu i lea taumafaiga.
Matou te faafetaia Ta’ita’i o Nuu ma Faife’au ia sa matua lagolago mai e ala i le faatagaina o i matou e faatino le suesuega,” o lana faaaliga lea. “Sa latou faafetaia i matou ona o le fesoasoani atu i le latou taumafaiga-e ala lea i le fesoasoani i tupulaga talavou o latou nuu, ma faatelevaveina lenei galuega e ala i fesootaiga ma latou autalavou ma le tuuina mai o maota o latou nuu matou te faaaogaina.
“E fia faafetai atu le S.N.Y.C i tupulaga talavou o Samoa ia sa tuuina mai o latou taimi i lea aso e auai i lenei suesuega ma matou te faamoemoe o le a matou galulue faatasi ma tupulaga talavou i le lumana’i ina ia mafai ona maua ai se tupe mo latou aiga.” Sa faafetaia foi e le S.N.Y.C. ma aloa’ia le galuega fita sa faatinoina e ona sui auai mai nuu ia sa fai ai suesuega ma o lo latou mafuta pea ma o latou nuu ua matua fesoasoani tele lea i le ofisa ma le vaega a le T.Y.E.S. i le faatinoina o le suesuega e aunoa ma ni faafitauli e tele.
I vaitaimi o le 11 – 25 Aperila 2016, sa suesueina e le vaega su’esu’e le aofai o tupulaga talavou ua faaalia i lalo mai nuu o:
• Tanugamanono (31)
• Faleasiu (176)
• Falelatai (91)
• Ulutogia (25)
• Salelesi (27)
• Vaimoso (40)
• Sapapalii (66)
• Safune (64)
• Auala (47)
• Vaisala (28)
• Foaluga (58)
• Satuiatua (16)
• Gataivai (49)
O le Su’esu’ega o le ‘Tracer Youth Employment sa faatinoina i se faiga faa-paaga ma le Polokalame o le Pacific Leadership faatasi ai ma se fesoasoani faaopoopo mai le International Labour Organisation ma le Civil Societt Support Programme.