O lau miti

224 Hits

Mafaufau tasi lava….Fai mai le tasi tagata “ afai e tele atu ni mea e te manatuaina nai lo o au miti o lona uiga o lo’o tele lava se mea o misi i lou  olaga”. O se miti o se vaega e ao ona tulimata’i pea.

O le fa’afitauli, o le tele o tagata e ala ona le taunu’u miti ona o le maualalo o le tulaga latou te va’ava’ai i ai. Fai mai se tala a se tagata tauta’ua “Afai o i a oe se miti a mea e le fa’atele ai lena miti”

E le tatau ona tatou momoe ae o lo’o i ai se miti o lo’o e nofo ma oe ae ao ona mataala ma tulimata’i pea.

O se taitai iloga na ia fa’apea mai ‘O le fa’ailoga taualoa e alagatatau mo le e na te fa’ataunu’u le miti i le lumana’i ma ia fa’atinoina i se taimi vave lava”

O lona uiga a e mafaia ona fa’atuina ni matatia lelei ma le atoatoa e ao ona e tulimataia pea e ala i lou mulimulita’i oni Tulafono ua ma’ea ona fa’ata’atia , ma e tolu ona vaega.

Muamua, amata i le taimi lenei, lua, fai ia mafai ma le tolu ia fai ma taiala.

Fai mai se tasi ali’i tamoe logologoa i a Jim Ryan, o lau miti o se amataga lea ae o lau amio o le a mafai ai ona fa’aauauina pea.

Tele o taimi tatou te vaai ai i pisinisi ua manuia ae lei umi lava ae amata ona molo’au atu ona o le le totogiina o latou aitalafu ma le usitai’a taiala e pei lava o le tagata e koleni koleni lava tele pauna e lusi ae uma ane ua nao ni nai aso ae toe foi lava le tino tuai sa amata mai ai.O lo’o e ola e fa’ataua nei vaega e tolu.

O lo’o i ai se miti o e nofo ma oe ia mafaufau ai le taimi lenei ma fai loa, E mafai ona amata nei i lou augani atu i a Iesu e fesoasoani mai i ou ala uma aemaise o miti o lo’o e tulimata’i i lou olaga, o le a ia fesoasoani mai….Mafaufau Tasi lava

© Samoa Observer 2016

Developed by Samoa Observer in Apia