Ua taugata le soifuaga

Tusia Ilia L Likou ,

46 Hits

Sio Kele.

Sio Kele.

O le finagalo lea na fa’ailoa e le Sio Kele o Faleasiu i le Fofoga o Samoa.

Na ia fa’ailoa o le taimi lenei ua leiloa e tagata se mea a fai ona o le taugata ai o le tau o le soifuaga o lo’o ua i ai nei.

“Ia o lea lava le tulaga e ao i le malo ona silasila mamao i ai ua le toe faigofie nei aso.

“Ua faigata mea uma lava ma ua tau le maua ai fo’i ma se to’a i le taimi lenei.

O lona talitonuga o le tele o aiga ua le gafatia le taugata o le soifuaga.

“I lo’u ia iloa i ai e ao lava i le malo ona toe silasila i vaega nei mo le aga’i atu ai le lumanai.

“O se itu leaga tele pe a va’ava’ai atu ai le si’i ai pea o le tau o oloa le taimi lenei.

“Ae o totogi o tagata ua matuai maualalo lava.

Na ia fa’aalia foi o ia o lo’o fa’alagolago tele ai le aiga.

“Ia o la’u galuega o uta le ma’umaga ma tai le sami ma e pei o vaega ia o lo’o maua ai le tupe.

“Ia ma le mea’ai a le aiga, aua e pei ona ou fa’ailoa e leai se isi o faigaluega.

“O le uiga o la’u tala, a nofonofo le fale i le aso ia ua leiloa pe a fa’afefea ona fai aiga.

“Ia ae o le galue lava e tau fesoasoani lea i lenei vaitau ua i ai.

“E le faigofie le ala usu i le taeao i le sami aua e tele foi fa’afitauli.

“O lea ua tele fesuiaiga o le tau, ia a leaga lava le tau ia ua le o’o foi le sami.

“Aua e moni lava o mea mata ae pei o le sami le alatupe maua vave e mafai e matou nei ona fa’alagolago ai le taimi lenei.

“O se itu taua tele le malo le toe tagataga’i vaega nei mo le fa’aleleia.

“Ua leaga aso ma ua tatau lava ona fai i ai se fuafuaga aua le aga’i ai le lumanai.

“Ma le ola lelei o nai o tatou tagata i aso uma lava.

© Samoa Observer 2016

Developed by Samoa Observer in Apia